OBRADOIRO DE FROITAS
Seguindo cos obradoiros como tempo de lecer neste verán, esta semana nas aulas lúa e marte trouleamos un pouco coas froitas.
Nenos e nenas asimilan o seu contorno a través dos sentidos; por iso comezamos manipulando as froitas para descubrir o seu aroma, a súa textura, a súa cor e como non, e seu sabor.
Algúns-as levaron unha sorpresa co sabor ácido do limón, as framboesas ou mesmo as fresas en comparación con outras máis doces como o plátano, amoras, pera ou mazá.
Houbo quen non pestanexaba nin sacaba os ollos do prato.
Outras puxéronse moradas comendo (nunca mellor dito).
Unha vez recoñecidas as froitas chegou o momento de esmagalas e pintar un mural con elas. E como podedes ver, pasáronno divinamente.
Como o resultado se asemellaba a un gatiño; pintámoslle orellas, ollos, nariz e bigotes.
O último día puxémonos a estampar con mazás, e houbo alguén que se enfadou porque quería comelas e non estragalas pintando.
Que vos parece?A que quedou bonita a nosa obra de arte?
