Escola Infantil de Carral

Na escola durante a semana da familia propuxemos no centro que realizasen no fogar algún que outro instrumento, aproveitando así tamén a temática deste curso. Quedaron moi chulos, e incluso algún moi personalizado. Así que aproveitamos para facer unha exposición por toda a escola. Moitas grazas a todos pola vosa colaboración e imaxinación.

Chegou a primavera, e o sol por fin xa sae máis tempo, así que aproveitamos para poñer ao día a nosa horta e prantas. Fixemos transplantes e prantamos sementes de xudías, sachamos rastrillamos, regamos…

Preto da nosa escola abriu a biblioteca municipal infantil, e como somos pouquiños aproveitamos este venres para ir á sesión de contacontos todos xuntos. Estivemos moi caladiños escoitando o conto sobre a primavera, tamen cantamos e incluso algún atreveuse a participar na pequena obriña que se fixo ó final, fixo o papel de “cor amarelo”, e venceu con axuda a vergoña que tiña ó sair a escena. O rematar todo, regaláronnos un broche con forma de flor para levar de recordo a escola. Tamen levamos uns cantos contos para os nosos compañeiros, para así disfrutar de novas historias na escola, e así como funcionaba a biblioteca.

Moitas grazas a todo o persoal da biblioteca, e seguro que repetiremos esta saída.

Durante a semana do entroido na nosa escola o inicio da xornada foi toda unha sorpresa, cada un debía traer algún adorno (decoración) dalgunha parte do seu corpo. Así comezamos o luns ca cara para rematar o último día da semana, co noso disfraz completo. Animaronse moito todos incluso os máis pequeniños da escola; ademais como veredes a continuación algúns tomamonos moi en serio iso do disfraz, e actuamos como tal.

Este mercores e xoves fixemos un obradoiro coas familias, para preparar o disfraz do seu fil@, convidamos a aqueles pais que puidesen en horario de tarde, a achegarse o centro. A afluencia foi bastante boa, ademais o resultado foi moi creativo, e os nosos nenos seguro que van estar moi contentos, de que os seus pais lles fagan o disfraz da festa de entroido. Mirade canto traballaron, e moitos animos cos “deberes” a aqueles que non puideron asistir , que seguro que tamén nos sorprenderedes, tanto os vosos fillos como a nós.

A semana pasada descubrimos como facer pasta para modelar con ingredientes que todos podedes atopar nas vosas casas: auga, sal e fariña. Algúns descubrimos a sensación que provoca tocar algo tan finiño como a fariña, cando lle botamos a auga e empezou a quedar dunha maneira algo pegañenta, parece que non gustou moito, verdade Iago, pero pouco a pouco o ir amasando vimos o resultado, quedou unha masiña magnífica, coa que puidemos facer moitas formas.

Receita:

2 vasos fariña

1 vaso sal

auga algo menos dun vaso

opcional (colorante alimentario)

amasamos como se fose pan