Os alimentos
Escrito por Equipo Educativo, o 12 Maio 2011 10:06
Durante o mes de abril traballamos os alimentos isto é o resumo de casi todo o que fixemos…
Arquivos da categoría ‘A nosa escola’
Escrito por Equipo Educativo, o 12 Maio 2011 10:06
Festa de fin de curso
Escrito por Equipo Educativo, o 12 Xullo 2010 15:05
O pasado venres 25 de xuño celebramos a festa de fin de curso na nosa escola. Aquí deixámosvos un vídeo como mostra do que aconteceu nesa tarde.
As familias falan do seu período de adaptación
Escrito por Equipo Educativo, o 5 Xullo 2010 18:54
Despois do noso período de adaptación entre os meses de abril e de maio deste ano (xa que foi cando abrimos as nosas portas), algunhas das nosas familias contáronnos como foi a súa experiencia:
A nosa escola
Escrito por Equipo Educativo, o 25 Maio 2010 17:33
Benvidos e benvidas á nosa escola!!!
A Escola Infantil de Cotobade está situada na parroquia de Tenorio, na zona destinada para os centros educativos - escola infantil de 0-3, o CEIP de Tenorio, e o IES de Cotobade - ,así como un dos dous pavillóns deportivos que ten o concello. Ademais, o centro ofrécenos a posibilidade de gozar dun contorno de zonas verdes e do paso do río Lérez polos arredores.
A escola pertence á rede de escolas infantís de Galicia de 0-3, sendo unha das 93 que están actualmente en funcionamento. Consta de 5 unidades, unha de 0-1, dúas de 1-2 e dúas de 2-3, tendo capacidade para 74 crianzas con idades comprendidas entre os 3 meses e os 3 anos.
Neste curso 2009/2010 están matriculadas 32 crianzas, polo que soamente temos ocupadas tres das cinco unidades dispoñibles. Este feito fíxonos adecuar os espazos, aproveitando unha das aulas como sala das experiencias e a outra como a de sono. Tamén dispoñemos dun amplo corredoiro que usamos como recanto de biblioteca e de teatrillo. Outra sala indispensable é a de usos múltiples, adicada a comedor e sala de psicomotricidade, así como de patio interior para os días que chove. Pero uns dos espazos que máis lles gustan aos nenos e nenas e tamén ao persoal da escola son os exteriores, porque nos ofrecen moitas posibilidades de xogo.
Na escola traballamos actualmente oito persoas, sete do persoal educativo e un do persoal de servizos, ademais do cociñeiro.
Comezamos a nosa actividade cos nenos e as nenas e as súas familias na primeira semana de abril, na que tivemos as entrevistas persoais coas nais e pais, unha xuntanza xeral onde se explicou o funcionamento da rede, as normas de convivencia da nosa escola e as pautas xerais do período de adaptación.
E rematamos a semana cunha xornada de portas abertas, á que asistiron todas as crianzas con algún familiar (nai, pai, avós, madriñas…) para a primeira toma de contacto dos nenos co seu centro educativo.
Á semana seguinte, o luns 12 de abril comezamos o período de adaptación coa incorporación progresiva dos nenos á escola .