Subida das cotas
Como seguramente xa sabedes pola prensa, para o curso 2012-2013 van a subir as cotas das escolas infantis 0-3 dependentes da Consellería de Traballo e Benestar.
O máximo que se estaba a pagar pola xornada completa eran 110 euros, a media xornada 55, o comedor 33 e as merendas 1 euro por cada merenda. A partir do curso que ven a xornada completa pasará a custar 160 euros, a media xornada 80 e o comedor 70 euros. Do prezo das merendas aínda non se sabe nada.
Para mellor información pinchade aquí, onde se publica o decreto 49/2012, do 19 de xaneiro, polo que se aproba o réxime de prezos das escolas infantís 0-3 dependentes da Consellería de Traballo e Benestar.
Tamén estará exposto no taboleiro de anuncios da escola.
Esta aplicación será efectiva a partir do mes de setembro de 2012.
Etiquetas: cotas, curso 2012-2013, familias, prezos, subida
26 de Xaneiro de 2012 ás 23:45
moitas gracias pola información. A min o que me gustaría saber tamén é como poder facer unha reclamación ó señor Feijoo, porque despois de 10 anos sen subiren os prezos, non creo que este sea o mellor momento. Tamén me gustaría que nos explicarades en qué vai afectar realmente as proximas privatizacións das escolas.
un saudo
30 de Xaneiro de 2012 ás 01:27
Ola Bitiña, primeiro darche as grazas por seguirnos tanto no blogue. Con respecto á privatización das escolas estamos igual ca ti, non sabemos nada de nada. E sobre o de mandarlle unha reclamación ó señor Feijoo, intentaremos buscar a información e transmitirémoscha.
Segundo vaiamos tendo información sobre as novas escolas privatizadas tamén volo faremos saber.
Un saudiño.