Arquivos da categoría ‘- A nosa andaina 11-12’
Escrito por eiris, o 23 Maio 2012 08:16
Axudemos a Lola
Escrito por eiris, o 18 Maio 2012 08:04
Dende a escola de Eirís xa hai unhas cantas semanas que estamos a colaborar coa causa de Lola.
Lola é unha nena de 3 anos que vive na Coruña. Naceu con parálisis cerebral e necesita someterse a uns tratamentos e operacións moi costosos.
Se entregades os vosos tapóns, pódense reciclar e con elo, poderase obter diñeiro para axudar á pequena Lola.
Ó longo destas semanas fostes moitos os que colaborastes, por iso vos animamos a que o sigades facendo!
Maio, o mes das flores
Escrito por eiris, o 18 Maio 2012 07:48
Como sabedes Maio é o mes das flores por excelencia, por iso dende a escola quixemos facer o noso propio maio.
Cada aula fixo as súas flores con distintos materiais o longo de todo a semana para o día da celebración adornar o maio.
Mirade que fermoso nos quedou!
Tamén tivemos un pequeno recital no que a aula dos peixes nos deleitou cunha cantiga moi fermosa sobre a primavera. E aquí vola deixamos para que todos a coñezades
PRIMAVERA
Yo te lo voy a contar,
y lo vas a adivinar…
Un campo lleno de flores,
una mariposa azul,
una mariquita roja…
¿En qué estación estás tú?
Un grillo haciendo cri cri
en la valla del jardín
y la lluvia que me moja
un día no y otro sí.
Un pajarito piando
con su mamá va volando.
Se asoman a mi ventana…
¿Qué estarán ellos mirando?
La semilla que ya crece
y se convierte en flor,
y los jardines parecen
un gran lago de color.
Llegó mi prima contenta
y todo el mundo la espera;
me sonríe, muy feliz,
mi prima, la PRIMA… VERA
Programa Akal
Escrito por eiris, o 16 Maio 2012 08:58
Chegou a escola o programa Akal e con él un conto marabilloso que nos deixou entusiasmados.
O programa Akal ensínanos entre outras cousas a consumir de xeito responsable. Debemos coñecer as opcións de compra xa que coa nosa forma de consumir podemos influír no mercado dunha forma directa. Aprendamos a consumir dun xeito máis crítico e responsable.
Tamén nos ensinan en que consiste o comercio xusto. Constitúe unha alternativa ás formas de comercio tradicional coa creación de canles comerciais orientados cara a un desenvolvemento integral con sustentabilidade económica, social e ambiental.
Viñeron dúas rapazas que nos contaron o conto de Area. Area era un nena que estaba de aniversario e quería moitos agasallos e unha tarta moi grande. Pero os seus pais dixéronlle que este ano non ía ter ningún agasallo. Area enfadouse e púxose moi triste. Pero Area non tiña porque enfadarse porque o día do seu aniversario estaban todas as súas amigas e os seus amigos con ela. E houbo unha gran sorpresa, unha tarta enorme con forma de tren! E de agasallo unha caixa de cartón grandísima coa que todos os nenos e nenas xogaron e o pasáron moi ben. Area déuse conta de que non necesitaba moitos agasallos para pasar un día xenial con todos os seus seres queridos.
Moitas grazas ó programa Akal por contar connosco para ensinarnos a ter un consumo máis responsable. A ver si é verdade!
O día do libro
Escrito por eiris, o 16 Maio 2012 08:21
Para commemorar o día do libro decidimos facer un marcapáxinas para poñer nos nosos contos preferidos.
Primeiro pintamos un cachiño de cartón e logo a nosa inicial para despois deixalos a secar. Unha vez secos démoslles os últimos retoques para que quedasen aínda máis bonitos.
Estamos desexando utilizalos!!!
A escola de Eirís colabora con Banco de alimentos Rías Altas
Escrito por eiris, o 8 Maio 2012 13:31
A escola de Eirís en colaboración co Banco de Alimentos Rías Altas levou a cabo unha campaña solidaria cos máis desfavorecidos da Coruña.
Unha vez máis queremos agradecer ás nosas marabillosas familias a súa aportación, que foi moi grande. Foi todo un éxito! E para mostra un botón!
Mudanza! a biblioteca cambia de lugar
Escrito por eiris, o 8 Maio 2012 13:13
Para que sexa máis accesible decidimos mudar a biblioteca de sitio. Así, agora poderédela atopar no pasillo. O funcionamento segue a ser o mesmo. Animámosvos a que sigades levando contos para a casa para ler en familia.
Menú do mes de Maio
Escrito por eiris, o 7 Maio 2012 07:10
Xa tedes a vosa disposición, aínda que un pouco tarde, as comidas e merendas do mes de Maio. Bo proveito!
Imos á biblioteca!!!
Escrito por eiris, o 8 Febreiro 2012 15:01
A aula das Nécoras e a dos Peixes fomos de visita á biblioteca. Para chegar ata alí fomos dando un paseo. Ó chegar as bibliotecarias contáronnos dous contos que nos gustaron moito, sobre todo o primeiro porque xa o coñeciamos, era “Garavanciño”. Cando rematamos de escoitar os contos cada un colleu o conto que máis lle gustou e púxose a lelo. Logo tivemos que colocalo no se sitio como nos explicaron as bibliotecarias. Porque tamén aprendemos que hai un conto para cada idade e que temos que coidalos moito.
E como nos portamos tan ben, viñemos cargados con dúas maletas de contos para a escola!!!
E unha vez máis temos que agradecer ás familias a súa colaboración por acompañarnos neste día. MOITAS GRAZAS!!!
Que é para nos a paz?
Escrito por eiris, o 7 Febreiro 2012 10:09
Para nos a paz non é só que non haxa guerra, senón algo moito máis sinxelo. Conformámonos con uns bicos e unhas apertas tódolos días. Por iso o noso xeito de celebrar este día foi contando dous contos, un titulado “Bicos” e outro “Apertas”.Ó remate démonos moitos bicos e moitas apertas entre todos. E para rematar esta celebración pintamos os beizos e démoslle un bico” a nosa pombiña da Paz”.
Esperamos que coma o día de hoxe sexan tódolos que veñan de agora en diante.
