Colgamos os menús do mes de abril. Esperamos que sexan do voso agrado.

pures-abril-20131

mixto-abril-20131

meriendas-abril-20131

basal-abril-20132

Dende a asociación Española de Pediatría de Atención Primaria, FAMIPED e Familia y Salud, publícanse dous decálogos adicados á febre e á tos. Aquí tedes unha copia dos que tamén están colgados nos taboleiros das aulas. Agardamos sexan do voso interese.

Só unhas liñas para lembrarvos que o vindeiro mércores 20 de marzo remata o prazo tanto para renovación de prazas coma para a preinscrición de solicitude de novas prazas. O horario para entregar estes documentos é de 9:30 a 16:00 horas.

Ca chegada da primavera, a ANPA A Carolina, en colaboración coa escola, quere celebrar un obradoiro moi especial que terá lugar o próximo xoves 21. Agardando que vos apuntedes e o disfrutedes moito, aquí vos deixamos a información completa:

Non vos esquezades do material que precisades para poder traballar moito!

Data:

Dende o 16/03/2013 ata o 17/03/2013

Entrada:

Entradas para os espectáculos: 5 € (abono familiar 3 a 12 €)

Organizada por:

Gatea Teatro

Enlace:

1ª Xornadas Gatea

Un espazo para a reflexión e a comunicación entre as artes escénicas e a educación, nas que haberá mesas-debate, teatro e un obradoiro. No Forum Metropolitano.

Sábado 16:
-  11:00 h.: Mesas de debate con Agustín Lorenzo, Carlos Herans, Pilar López  y Pury Estalayo.
- 16:30 h.: Obradoiro de contacontos impartido por Trinke (aforamento limitado)
- 19:00 h.: Elefante Elegante presenta “Nabunga” (a partir de 4 anos)
Domingo 17:
- 12:30 h.: Caramuxo Teatro presenta “Ñam” (de 1 a 6 anos)

Lugar:
Forum Metropolitano
r/ Monelos, s/n 15006 A Coruña

Información:
Gatea Teatro
gatea.teatro@gmail.com

De conformidade co recollido no Regulamento de Réxime Interno, con carácter xeral, as escolas permanecerán pechadas no mes de agosto. Excepcionalmente, as familias que o precisen poderán solicitar o servizo neste mes.

O prazo remata o 31 de xaneiro e a solicitude pode recollerse na propia escola.

Lembrade, que as solicitudes que non vaian acompañadas da documentación acreditativa das circunstancias alegadas polos dous proxenitores (por ex. certificado empresa ) non serán estudadas.

Bos dias!!

Hoxe haberá reunión da Anpa ás 17:30 h na Escola Infantil de Eirís.

Animádevos!!!

Hoxe na escola celebramos a tan ansiada festa do Magosto e Samaín!!!

Víchedes que cabazas máis chulas trouxeron as familias, sodes uns artistas!!!

UHHHHH!!! Que medo

Os nenos/as da escola viñeron disfrazados de pantasmas, esqueletos, bruxas, demonios,…que guapos todos/as!!!

As profes Mª José e Isa, ensináronnos a poesía: “Chegou o outono”

Secáronse as follas,

sopra o vento.

O outono chegou,

empezou a chover.

O outono está moi ben,

porque eu castañas tomarei.

No parque xogarei,

cando o aire bote a correr.

E comemos mooooitas castañas… que boas están!!!E tamén bailamos ao son da música do Samaín!!!

Como sabedes o pasado venres 26 de outubro as aulas dos maiores: “Galiñas de Mos” e os “Porcos Celtas”, fixeron a súa primeira saída á Biblioteca do Castrillón.

Introducir a literatura infantil na escola e na casa é unha forma de achegamento na vida das crianzas; aporta estímulos lúdicos que xeran motivación para o desenvolvemento da lingua, achegando novas situacións e axudando á construcción de frases e formas de expresión cada vez máis amplas.

Co uso da biblioteca ademais de avanzar no coñecemento do mundo que nos rodea, as crianzas, aprenderán os valores de compartir, valorar e coidar a propiedade allea; o momento da lectura propiciará un ambiente relaxado e íntimo onde as crianzas crearán pouco a pouco afición pola lectura.

En xeral, a lectura ten unha gran importancia no desenvolvemento e maduración dos nenos/as, constitúe un vehículo para a aprendizaxe, para o desenvolvemento da intelixencia e para a adquisición da cultura.

A lectura ten múltiples ventaxas, xa que non só proporciona información (instrución) senón que forma (educa) creando hábitos de reflexión, análise, esforzo, concentración… e recrea, fai gozar. entretén e distrae.

• A lectura axuda no desenvolvemento e perfeccionamento da linguaxe.
• A lectura da facilidade para expoñer o propio pensamento e posibilita a capacidade de pensar.
• É unha ferramenta extraordinaria de traballo intelectual xa que pon en acción as funcións mentais axilizando a intelixencia.
• Aumenta a bagaxe cultural, ademáis de satisfacer a curiosidade intelectual e científica.
• Esperta aficións e intereses, esixe unha participación activa e actitude dinámica.
• Potencia a capacidade de observación, de atención e concentración, e facilita a recreación da fantasía e o desenvolvemento da creatividade.

Como vedes a lectura aporta moitas cousas aos nosos cativos. E como mostra deixamos unhas poucas fotos da nosa 1º saída…

Primeiro preparámonos para saír, facendo un longo tren pi, pi, pi!!!

Mirade que ben facemos o tren cando saímos á rúa, somos uns campeóns e campeonas!!!

Chegamos á biblioteca!!! hai que estar moi caladiño…

Alicia e María contáronnon moitos contos chulísimos!!

Logo, puidemos escoller nós os que máis nos gustaron e traelos á escola na nosa “Maleta viaxeira”

Que ben o pasamos, xa temos gañas de que chegue a próxima saída á biblio…