Escola Infantil de Eirís

Saída acuario

eiris — Tue, 09 Apr 2013 08:38:32 +0000

O vindeiro 17 de abril as Galiñas de Mós e os Porcos Celtas visitarán a Casa dos Peixes. A saída será ás 9:30 horas da mañá desde a escola, regresando para xantar ás 12:30horas.

A visita é gratuita, tendo que pagar só o transporte, que son 2 euros.

A data límite para pagar os 2 euros do transporte é o venres 12 de abril. Podedes pagar en direción.

En relación á excursión de fin de curso, indicarvos que xa se sabe o precio final é:

- 20 € por neno/a con un acompañante

- 22 € por neno/a con dous acompañantes

Lembrarvos tamén que o prazo para pagar remata o 30 de abril.

Espectáculo para toda a familia!

eiris — Tue, 02 Apr 2013 14:38:01 +0000

O Teatro Colón abre as portas a un dos espectáculos máis vistosos da escena europea: Rebufaplanetes, no que o artista catalán Pep Bou combina a precisión técnica e a excelencia teatral para levar a cabo un espectáculo que é xa un referente ineludible do teatro visual europeo. Unha peza que contén todos os ingredientes dunha obra en maiúsculas: un bo argumento, espectacularidade visual e orixinalidade…e todo con enormes pompas de xabrón.

O espectáculo poderá verse o vindeiro sábado 6 de abril ás 20 horas ou ben o domingo 7 de abril ás 17 horas.

Para máis información podedes entrar na páxina do Teatro Colón: www.teatrocolon.es, alí atoparedes a forma de mercar as entradas e incluso un enlace cun vídeo para poder ver unha parte da obra.

Agardamos que vos guste e disfrutedes deste espectáculo en familia.

Día da árbore

eiris — Tue, 02 Apr 2013 14:11:19 +0000

O pasado día 20 conmemoramos o día da árbore plantando coas crianzas un castiñeiro. Colaboraron con moito entusiasmo botando a terra e regando. O resultado está exposto no tragaluz da sala de usos múltiples. Aquí podedes ver unha mostra do traballo que fixemos.

Obradoiro de ovos de Pascua

eiris — Tue, 02 Apr 2013 08:57:32 +0000

O día 20 pola tarde, coa colaboración da ANPA, Velga, nai de Elza, impartiu un obradoiro de decoración de ovos de Pascua. As familias asistentes aprenderon a técnica para decorar os ovos de forma artesanal. O resultado podedes velo na entrada da Escola. Aquí vos deixamos unhas imaxes do obradoiro.

Visita da Policía

eiris — Tue, 02 Apr 2013 08:40:35 +0000

O venres 22 tivemos a ocasión de disfrutar dunha visita da Policía Local. Trouxeron a moto e puidemos montar nela e probarnos o casco. Pasámolo moi ben, case todos, e gustounos moito. Tamén puxeron un vídeo para os máis maiores. Mirade que ben se nos dá o de conducir a moto!

Menús

eiris — Wed, 27 Mar 2013 16:23:44 +0000

Colgamos os menús do mes de abril. Esperamos que sexan do voso agrado.

pures-abril-20131

mixto-abril-20131

meriendas-abril-20131

basal-abril-20132

Decálogos da febre e da tos

eiris — Tue, 26 Mar 2013 09:59:31 +0000

Dende a asociación Española de Pediatría de Atención Primaria, FAMIPED e Familia y Salud, publícanse dous decálogos adicados á febre e á tos. Aquí tedes unha copia dos que tamén están colgados nos taboleiros das aulas. Agardamos sexan do voso interese.

Visita da policía

eiris — Thu, 21 Mar 2013 15:29:40 +0000

Mañá día 22 de marzo teremos a visita da Policía na escola organizada pola ANPA “A Carolina”. Estamos todos moi emocionados e esperamos pasalo moi ben.

Xa vos contaremos!

Admisión e matrícula para alumnos do 2º ciclo

eiris — Tue, 19 Mar 2013 10:01:11 +0000

Na seguinte direción atoparedes a información referente á tramitación para admisión e matrícula no 2º ciclo de Educación Infantil:

Admisión e matrícula curso 2013/14

Día do sono

eiris — Tue, 19 Mar 2013 09:56:30 +0000

O venres pasado conmemoramos o día do sono. Viñemos todos co pixama posto e dispostos a pasar unha xornada especial. Para empezar tomamos o tentempé todos xuntos e despois a profe Erika contounos un conto “Eu non fun”. Para rematar puxemos canción de berce e xogamos cos bonecos a deitalos a durmir.