Escola Infantil de Eirís

Este ano a visita dos Reis Magos foi toda unha sorpresa, aínda que co ben que se portaron estas crianzas non podían facer menos que visitarnos en persoa. Así, o venres día 4 tivemos o pracer de disfrutar da visita das súas maxestades Melchor, Gaspar e Baltasar. E non viñeron valeiros, trouxeron un montón de agasallos para a Escola que os pequenos e pequenas abriron con ledicia. Despois de tan grata visita que mellor que botar uns bailes para festexar! Ahí vos deixamos as imaxes do acontecemento.

Queremos agradecer a colaboración desinteresada de Humberto (pai de Priscila), Ana Belén (nai de Xoel e Andrea) e María (nai de Alma).

Esperamos que veñan moi cargadiños. Pero para que vos deixen todo o que pedistes tedes que cumprir cunha serie de rituais:

-O primeiro é deixarlles unhas galletas e un vasiño de leite a cada Rei

-O segundo, un balde de auga e unha pouca herba para os camelos

-O terceiro, deixar os zapatiños na ventá para que saiban que nesa casa hai nenos e nenas que lle mandaron as cartas ás súas maxestades.

-E por último, ir cediño para a cama e durmir toda a noite coma “pepes”

Se facedes todo isto seguro seguro que vos traerán tódolos xoguetes que pedistes, porque xa dou por feito que vos portastes ben durante todo o ano. Non é así?

Dende a escola deséxamosvos que pasedes un feliz día de Reis.

Seguramente a maioría xa o sabedes porque viñestes a festa de Nadal, pero ímolo recordar de todas formas.

Comezamos a festa coa representación do conto “Cando Martiño tivo ganas de mexar na  noite de Reis”. Os actores e actrices foron uns excelentes monicreques, e detrás deles estaban as mans dunhas mamás moi voluntariosas. Foi moi divertida e rimos a esgalla.

E chegou o momento do amigo invisible, xa sabedes como funciona isto, verdade? Primeiro botamos o nome das aulas nunha bolsa, logo sacamos un nome e por último facemos un agasallo. A que é sinxelo?

O sorteo quedou da seguinte maneira: as estreliñas fixéronlle o agasallo ás tartarugas, as tartarugas ós peixes, as medusas ás estreliñas, os polbos ás medusas, as nécoras ós polbos e os peixes ás nécoras.

Pero o que realmente esperabamos todos e todas era a visita dos Reis Magos, e como sospeitabamos houbo máis choros que sorrisos pero ó final todos os nenos e nenas botaron as súas cartas no buzón e algúns ata se atreveron e se sentaron no seu regazo.

Non podiamos rematar a festa sen unha boa merendola, puxémonos as botas con turróns, polvoróns, e moitos máis doces típicos do Nadal.

Alegrámonos moito de estar tan ben acompañadas na festa e unha vez máis queremos agradecer a colaboración das familias que coma sempre se portaron tan ben.