Escola Infantil de Fene

  O xogo heurístico xa está instalado na escola. As primeiras experiencias tiveron lugar na aula de 1-2 anos e, en breve, iniciarase, con todo o seu potencial, nas aulas dos trens e  dos foguetes espaciais.

  O xogo heurístico é unha actividade de xogo, onde as crianzas interactúan con diferentes tipos de materiais. É unha continuación do cesto dos tesouros que xa fixeron as crianzas o curso pasado.

  Este xogo está relacionado coa aprendizaxe constructivista no que a crianza é a protagonista das súas aprendizaxes (investiga, descobre,..) partindo do que coñece.

  Favorécese a aprendizaxe por descubrimento, o coñecemento da realidade, a autoestima e respecta o ritmo e as necesidades de cada nena/o.

  O mesmo que no cesto dos tesouros, o xogo heurístico tamén desenrola capacidades cognitivas (comprender, relacionar, coñecer…), perceptivas (visión, oído, tacto, gusto, olor), corporais (motricidade grosa, fina), éticas (respectar, colaborar…),  afectivas (disfrutar, valorar, querer…), sociais (colaborar, compartir…).

  As crianzas descobren a través dos sentidos as características dos obxectos  que manipulan, adquirindo así novas aprendizaxes.

GRAZAS familias pola vosa achega de materiais á escola.

As primeiras experiencias do ano co xogo heurístico.

Unhas simples caixas axudan a desenrolar a imaxinación das crianzas e son base de mil xogos. COMEZA A DIVERSIÓN!

As crianzas da aula dos foguetes espaciais pouco a pouco collen a seguranza para apreciar todo o mundo de experiencias que a escola ofrece.

Atrás as bágoas: É TEMPO DE LECER!