Semana dos Dereitos dos nenos e das nenas
02 Dec 2008
Na nosa galescola quixemos celebrar por todo o alto a “Semana dos dereitos dos nenos e das nenas”. Cada aula traballou un dos dereitos coas crianzas e logo puxémolos en común nun gran mural do corredoiro, para que a ninguén se lle esqueza que os nenos e as nenas tamén teñen os seus propios dereitos.
A Aula de Garbanciño traballou o Dereito á Educación e ao Xogo. Só hai que ver como gozan as crianzas cos libros e instrumentos da clase.
Na Aula de Cebra Camila traballaron o Dereito á alimentación, quedando claro que non importa quen sexas nin de onde veñas para saber que todos e todas temos os nosos dereitos.
Na Aula de Coelliño Branco deixaron claro que todos e todas temos Dereito a ter un nome.
Nas dúas aulas de 2-3 traballaron o Dereito á atención sanitaria e a ter unha familia.
E sobre todo temos Dereito a ser nenos.
Como resultado final quixemos plasmar todo o traballo da semana nun gran mural no corredoiro da galescola.
