Que fermosa é a Primavera!!!! Con ela chegan grandes cambios no noso contorno (as árbores póñense moi fermosas coas florciñas, a herba cheira diferente, os paxariños cantan máis bonito, os caracois sacan os cornos ao sol…)

Xa fai un tempiño, pola aula da Cebra Camila achegáronse uns amiguiños moi especiais…

Os Caracois!! Que ben o pasamos xogando con eles! e que diferentes son aos caracois que saen nos contos e os debuxos… Esperamos que pronto volten a facernos outra visitiña.

Aos Chibos Chibóns encántanos o conto ” A Xoaniña que vive no Piñeiro” é un conto que fala dos animais que viven no bosque, nun fermoso piñeiral. O noso animaliño preferido é a Xoaniña.

Coa chegada da Primavera tivemos unha gran sorpresa… Visitounos a nosa amiga a Xoaniña!!!

Como fixeron unha longa viaxe para vir ao noso “cole”, metéronse nun frasquiño con comida para descansar un pouquiño mentres nós xogamos con elas.

A verdade é que nos fixo moita ilusión coñecer ás Xoaniñas, son máis fermosas ao natural que nos contos.

Os /as máis pequechiñas/os do noso cole experimentamos moitas sensacións a través dos sentidos do gusto e do tacto.

Aproveitamos o comezo da estación das froitas para “catar” e comparar, sabores, texturas, cores…

MMMMMMMMMmmmmmm!! que ben o pasamos!

A Yago o que máis lle gustou foi o chocolate, tanto o branco coma o de leite, sen embargo houbo quen preferiu unhas ricas e frescas laranxas, como Marcos.

A nosa compañeira Lucía gustoulle moito o chocolate, sen embargo as cereixas non lle fixeron moita gracia.

A verdade e que os Garbanciños gozamos moito con esta rica actividade!

A Ver Cando Repetimos???

Xa fai un tempo que as aulas de 1-2 anos comezamos a traballar “A Primavera”, e unha das primeiras actividades que fixemos na nosa galescola para darlle a benvida a esta fermosa estación foi…

Facer un mural en conxunto as tres aulas!!!

As crianzas da aula de Cebra Camila comezamos por pintar un anaquiño do cepo da árbore e unha das ramas, tamén fixemos uns ricos pexegos onde pegamos as nosas fotos.

Para pintar o cepo da árbore empregamos pinceis, foi un pouquiño difícil, pero o resultado foi chulísimo.

Para as ramas empregamos as nosas manciñas, foi moi divertido pringarnos as mans.

E para os pexegos decidimos usar os rodillos, na nosa clase gústanos moito empregalos porque é moi sinxelo e pintan moi ben.

Na aula da Ratiña Presumida como xa somos un pouquiño maiores decidimos empregar soamente os pinceis para facer o noso anaquiño do mural.

O cepo da árbore pintámolo xunto cos nosos amiguiños e amiguiñas da aula dos Tres Porquiños.

Aos Ratiñ@s o que máis nos gustou foi subir na escada coas “profes” a pegar as nosas florciñas (menos Pablo, que o que máis lle gustou foi pintarlle a Antía a cara e o pelo de cor verde e Xoán, que o pasou en grande metendo na boca o pincel para saber a que sabía a pintura de dedos))

Que ben o pasamos!!

Na aula dos Tres Porquiños como xa vos contaron os nosos compañeiros e compañeiras de Ratiña pintamos o cepo da árbore todos xuntos.

Xa na nosa clase adicámonos a pintar as ramas da árbore coas nosas mans, con pincel e cor amarela comezamos a pintar as florciñas e os paxariños para despois pegarlle as nosas fotos.

E aquí tendes o resultado final.

A que nos quedou chulísimo?? Nós estamos moi orgullosos da nosa creación.

A nosa amiguiña Noa, quixo festexar o seu Terceiro Aniversario cos seus compañeiros e compañeiras da aula de Chibos Chibóns da Tarde.

Foi unha festa moi divertida, onde agasallamos á nosa amiga cunha coroa chea de gomets que pegamos nós, despois comemos unha riquísima torta de chocolate e tamén tomamos un zume que estaba moi bo.

Grazas Noa pola gran festa de aniversario que pasamos xuntos e moitas, pero que moitas felicidades!!!

Por fin na aula dos Chibos Chibóns tivemos festa!!!

Irene, que é a maior da clase, festexou o seu terceiro aniversario connosco.

A verdade é que nos fixo moita ilusión porque os nosos “Chibiños” vanse facendo maiores, e Irene é a maior da aula.

Como podedes mirar pasámolo xenial facéndolle a coroa de raíña, e despois comendo torta e bebendo zume… Por último decidimos tirar unha foto de grupo como recordo de tan divertido día.

Na aula da Ratiña Presumida volveron a estar de celebración; Sofía festexou o seu segundo aniversario na compaña dos seus amiguiños e amiguiñas da aula.

Mirade que ben o pasaron todos xuntos primeiro facendo unha fermosa coroa para a agasallada e despois  dando boa conta da torta de chocolate que trouxo Sofi…

Ao rematar a festa pasamos todos/as polo aseo para limpar a boca e as mans porque nos puxemos como cochiños… Pero que rica estaba!!!

As crianzas da aula dos Tres Porquiños e as de Chibos Chibóns gustan moito de pasar o tempo xuntos e de compartir actividades.

Unha das últimas andanzas que fixemos en conxunto foi a de manipular uns obxectos moi raros que nos trouxeron as mamás de Noa e de Aroa.

Son uns simples carretes de fío, pero a nós parecéronnos todo un tesouro (Agrupámolos por cores, por tamaños, tentamos meter obxectos dentro, utilizámolos coma trompetas, como espadas, fixemos torres con eles…)

Foi divertidísimo!!!! E aínda que non hai fotos dese momento, ao final recollemos todos os carretes na súa caixiña.

Este ano o “Día das Letras Galegas” (17 de maio) adicóuselle ao filósofo e ensaista lucense Ramón Piñeiro e nós quixemos rendirlle a nosa pequena homenaxe dun modo especial.

Aproveitando que o 18 de maio conmemorouse o Día Internacional do Museo e como as nosas crianzas son moi pequenas para comprender o traballo de Ramón Piñeiro decidimos traballar tan fermosos días a través da imaxe de Ramón.

Os nenos e nenas da aula de Garbanciño rendiron a súa singular homenaxe a Ramón a través dun cadro impresionista coma os de Pablo R. Picasso, xunto cos seus compañeiros e compañeiras das aulas de 1-2 anos.

Cada aula encargouse dunha parte da Obra Pictórica.

Os Garbanciños e Garbanciñas o primeiro que fixemos foi manipular os materiais que empregamos na elaboración do cadro, “”confeti” de moitas cores.

Tras rachalo e amontoalo por cores, pegamos o “confeti” no noso anaquiño de cadro.

Na aula da Cebra Camila encargámonos de facer outro anaquiño da nosa Obra de Arte.

As Cebras, como xa somos un pouquiño máis maiores que os nosos amiguiños e amiguiñas da aula de Garbanciño, decidimos empregar ceras de cor rosa e papel celofán de cor azul e vermella.

Como podedes observar estamos moi concentrados mentras traballamos.

@s ratiñ@s decidimos empregar pintura de dedos con pincel e lá para fecerlle unha fermosa cabeleira ao Señor Ramón Piñeiro.

A verdade é que gozamos moitísimo, sobre todo “peiteando” a Ramón.

Os nenos e nenas da aula de Tres porquiños ao igual que os nosos compañeiros e compañeiras de Cebra Camila empregamos ceras para pintar o seu anaquiño de Ramón e mirade que ben nos quedou!!!

As crianzas da aula de Chibos Chibóns, decidimos rendir unha homenaxe a Ramón a través da Obra de Andy Warhol, e como nos gusta moito unha obra moi fermosa de “Pop Art” que lle adicou a Marilyn Monrou, nós quixemos adicarlla a Ramón Piñeiro.

Que gran Obra de Arte!!!

Os nenos e nenas de Coelliño Branco tamén fixemos unha obra de arte utilizando o collage con Dalí, Juan Gris ou Picasso moi fermosa empregando plastilina,  gomets, cintas de cores…

Por último todas as aulas saímos ao corredor para expoñer as nosas Obras de Arte.

E este foi o resultado final!!!!

Dende Poio esperamos que gozásedes tanto coma nós do Día das Letras Galegas e do Día Internacional dos Museos.

MIRADE QUE OBRA DE ARTE FIXERON OS/AS NENOS/AS DE COELLIÑO BRANCO.QUIXERON PLASMAR COA SUA CREATIVIDADE UN CADRO FEITO POR ELES/AS PARA CELEBRAR A CHEGADA DA PRIMAVERA.TOMAMOS COMO MODELO UN CADRO DE VANGOGH._(RASGAMOS PAPEIS DE PERIODICO E  PEGÁMOLOS, PINTAMOS CON PINCEIS UTILIZANDO DIVERSAS CORES E PEGAMOS PIPAS NO CENTRO DAS FLORES)