Ao longo de todo o curso estibemos traballando o respecto ao medio ambiente e a reciclaxe, por iso na aula de Chibos Chibóns decidimos facer unhas pequenas pelotiñas, aproveitando uns globos que tíñamos na aula e que estaban picados.

Simplemente empregamos uns funís, arroz, e os globos.

A verdade e que foi moi divertido facer as pelotiñas, o que mais nos gustou foi sair ao patio a xogar con elas.  

Un dos Centros de Interese que tratamos durante o curso foi o ” A Familia”, xa que este é un concepto fundamental no desenrolo das crianzas, pois no núcleo familiar é donde o neno e a nena vivencian e interiorizan as súas primeiras regras, vivencias, relacións sociais… En resumo; é o medio natural do neno e/ou nena, por iso adicámoslle un lugar moi importante a este centro de interese dentro da nosa programación.

Os pequechiños e pequechiñas, da aula de Garbanciño trouxemos da nosa casa unhas lindas fotos de cada un/unha,  xunto coas nosas familias, e logo con pintura de dedos de diversas cores pintamos sobre cartón para facerlle un fermoso marco ás fotos.

Parece mentira!!! Co Pequech@s que somos e o ben que o fixemos!!

Pola nosa parte na aula da Cebra Camila decidimos pintar as nosas familias, para iso empregamos ceras de cores e papel continuo azul clariño.

Foi moi divertido pintar aos nosos papás e mamás, aos tíos e tías, aos avós e avoas e a os irmanciños e irmanciñas.

Que ben o pasamos!!!

Na aula dos Tres Porquiños fixemos un gran mural coas fotografías que trouxemos da casa. Gustounos iso de chegar a clase todos os días e poder darlle un biquiño ás nosas fotos onde están papá, mamá, as nosas irmás e irmáns e os avós.

Ao finalizar o mural tiramos unha fermosa foto de grupo.

Somos guapísimos!!!!

Os nenos e nenas da aula de Chibos Chibóns fixemos un debuxo en cartolina para regalarllo ás nosas familias, nel debuxamos aos nosos papás e mamás, aínda que algún que outro neno decidiu pintar tamén as irmáns e  incluso algunha nena decidiuse a pintar a todos os avós e á bisavoa.

Os Chibos Chibóns da Tarde ao igual que os nosos amiguiños e amiguiñas de Garbanciño fixemos uns bonitos marcos, con cartón ondulado que pintamos nós mesmos, e empregando a técnica do collage. É que xa somos uns maiores!!!

Con eses marcos engalanamos as fotos das nosas familias.

Ao longo de todo o curso estivemos traballando as cores…. Amarelo, azul, verde e vermello e dende aqui queremos compartir convosco unha pequena escolma do ben que o pasamos traballando.

A cor Amarela

Na aula de Tres porquiños entre todas as cores que traballamos a que máis nos gustou foi a amarela gozamos moito pintando e manipulando os obxectos amarelos, pero o mellor de todo foi pegar gomets sobre papel continuo.

Encántannos os gomets!

Na aula dos Chibos Chibóns tamén gozamos da cor amarela, nós como somos máis grandiños que os nosos compañeiros decidimos pintar sobre papel continuo amarelo con ceras de diferentes cores. Que gran Obra de arte fixemos!!

Ademais trouxemos da casa diferentes obxectos amarelos e creamos o “Recanto Amarelo” no que cada día xogamos e manipulamos os obxectos desta cor.

A Cor Azul

Na aula da Ratiña Presumida estivemos traballando entre outras a cor azul, nas súas diferentes tonalidades.

Unha actividade que nos gustou moito foi a de pegar gomets azuis oscuros sobre unha cartolina azul clariña.

A verdade é que o pasamos tan ben que ese día case esquecemos de tomar a galleta.

Outra actividade ben chula foi a de xogar con globos azuis.Mirade a Antia e a Lucas que lindos están posando no “foto col”… coma os famosos.

A Cor Verde

Outra cor que traballamos en tres porquiños foi a verde, sobre cartolina verde clariña pintamos con pintura de dedos amarela e verde oscura para ver o contraste que fan as dúas cores.

A verdade é que o resultado foi precioso!

A Cor Vermella

A última, pero non por iso a menos importante… A Cor Vermella

@s Ratiñ@s estivemos a traballar tamén a cor vermella, ao igual que fixeramos coas outras cores o primeiro foi pegar gomets vermellos clariños sobre cartolina vermella oscura.

Logo estivemos facendo unha “estrada” con bloques vermellos… Foi divertidísimo!!

e tamén manipulamos diferentes obxectos vermellos que tíñamos gardados na “caixa dos tesouros vermellos”

Para finalizar con esta cor estivemos manipulando e facendo churros coa plastelina vermella.

Como podedes comprobar en Poio non nos aburrimos e gozamos do lindo con todas as actividades que facemos.

Somos uns campións!!!

A mediados do mes de Agosto chegou por fin o verán: é o momento de gozar das piscinas que están todo o ano gardadas e da auga que tanto lles gusta aos/as nosos/as nenos/as.

Foi unha experiencia moi gratificante tanto para os cativos/as como para todo o equipo educativo. Non hai máis que velos/as.

viva-o-veran

As crianzas da aula de Cebra Camila realizamos un concerto musical na aula.

Que ricos estamos coas maracas, coas claves, os platiños… Estamos ensaiando para a Gran festa de fin de curso que celebraremos en breve.

Os maiores do noso cole estiveron experimentando cuns ricos e saborosos elementos… Cacao, queixo fresco, magdalenas e virutillas de cores.

Os Chibos Chibóns e os Coelliños non vos sabemos dicir que foi máis divertido, se manipular os produtos ou comelos.

Antes de comezar decidimos que queriamos facer unhas saborosas Trufas de Chocolate.

O primeiro que fixemos foi lavar as mans para logo comezar por desfacer as magdalenas en pequenas miguiñas, logo botamos unhas culleriñas de queixo fresco.

Aínda que pareza mentira houbo a quen non lle gustou moito iso de desfacer as magdalenas, senón mirade a cariña da nosa compañeira Alicia, pero pronto se animou, en vistas do ben que o estaba a pasar Sergio.

Unha vez botamos o queixo fresco voltamos a remexer todo xunto, as migas de magdalenas e a manteiga.

Por último fixemos unhas boliñas coa pasta e bañámolas no colacao e nas virutillas de chocolate.

Como bos reposteiros que somos empregámonos a fondo (senón mirade que concentrados estamos) iso si, houbo quen preferiu comer o cacao e as virutiñas de chocolate antes de rematar a trufa de chocolate.

A verdade é que gozamos moitísimo con esta actividade, que repetiremos nos vindeiros días.

Os Chibos Chibóns temos unha relación moi especial coa nosa PSX, que cada día nos aleda o momento do comedor cantándonos todas as cancións que lle pedimos…

A cantiga que máis nos gusta é a da “saia da Carolina” (esa que ten un lagarto pintado) e para agradecerlle a Carmen como nos agarima quixemos facerlle un agasallo…

Fixémoslle unha saia (cunha bolsa de refugallo) e pintámoslle un fermoso lagarto.

Que divertido foi pintar o lagarto!! e que ben lle senta a Carmen a saia!!

As crianzas da aula de Coelliño Branco ao igual que os nosos compañeiros da aula dos Chibos Chibóns ao longo do curso estivemos traballando os nosos nomes; como se escriben como se len… sobre todo tentamos recoñecelos pola súa lonxitude, (así descubrimos que o nome de Guillermo é moito máis longo que o de Malú, que é mais curtiño), por que letra comezan… Foi moi divertido. Mirade que ben o pasamos!

Na aula da Cebra Camila ao igual que os nosos compañeiros e compañeiras da aula dos Chibos Chibóns quixemos poñer en práctica a experiencia do Obradoiro da Fariña.

Cando chegamos a aula levamos unha gran sorpresa xa que atopamos algo novo, diferente e moi raro…

Era fariña!!!

Pronto perdemos o medo e comezamos a manipular a fariña, que ben o pasamos xogando con ela. ( iso si a Bassine non lle gustou moito)

Uns dos que mellor o pasaron foron Dorian (que acabou empanado coma un bistec) e Isabel que comeu nela canto quixo)

Mirade a Nosa gran foto de grupo.

Esperamos repetir pronto.

Como xa todos e todas sabedes ao longo do curso tivemos no noso centro a sorte de contar co  “Espazo das Familias”, e fai un tempiño que desenrolamos a última sesión que versaba sobre a linguaxe infantil, a súa evolución, como potenciala…

Moitas foron as actividades que levamos a cabo; primeiro falamos sobre a linguaxe e as nosas crianzas e comezamos cun sinxelo exercicio… soplar pompas de xabón.

Os nosos nenos, nenas, irmáns e mamás pasárono moi ben.

A seguinte actividade foi a de soplar boliñas de algodón. Como podedes ver o pasamos xenial facendo carreiriñas coas boliñas.

Despois de soplar as boliñas de algodón tivemos que retomar a actividade das pompas de xabón, xa que a demanda dos nenos e nenas por este xogo foi impresionante.

Logo decidimos realizar un pequeno xogo que consistiu en darlle aos nenos ordes sinxelas para que realizasen diferentes tarefas. Así cada mamá pedíalle ao seu neno ou nena que lle trouxese un obxecto en concreto do centro da alfombra ( Unha pelota verde, un cueiro, un trapo vermello…) Como xa vos imaxinaredes os nosos pequechos e pequechas acertaron todo a primeira.

Para ir rematando volvemos a falar coas familias da importancia de fomentar a lectura nas crianzas dende os primeiros anos ( este é un tema co que o persoal deste centro está moi involucrado dende xa fai moito tempo) xa que axuda a potenciar a imaxinación do nen@, a súa linguaxe, fomentar a relación nai-pai.crianza…

E por último cada neno e nena escolleu un libro para manipulalo, ler as súas imaxes, dicir cales son as cores dos animaliños, coches, nenos… e incluso facer unha casa cos contos, senón mirade a Noa e a Laura no seu castelo de conto.

O Espazo das familias foi unha actividade moi gratificante tanto para o equipo educativo como para as nosas familias, por iso, dende aquí queremos agradecer a colaboración da entidade Preescolar na casa quen colaborou connosco para desenrolar este proxecto que esperamos que se repita pronto.