Escola Infantil de Gondomar

O entroido é algo que nos gusta moito: cambiamos de actividades, roupas… todo se converte en algo diferente. Nós ademáis quixemos defrutar e simular o coñecido “Domingo fareleiro”. Para iso abrigámonos ben e mans á obra!! Como vedes nas fotos pasámolo xenial!!

Manchamos todo o patio de fariña pero desfrutamos moitísimo! Tamén aprendemos novas texturas, formas… Xa vemos que temos que aproveitar calquera momento xa que de calquera cousa se poden facer múltiples aprendizaxes.

O pasado venres na aula dos Bules celebramos os aniversario de Ainoa e de Carlos, que xa teñen dous anos. Primeiro sopramos as velas e comemos os bizcoitos, e despois fixemos unha gran festa con música e globos. Como fixo bo tempo, tivemos a sorte de poder saír a xogar ó patio.

¡PARABÉNS!

Os materiais da vida diaria son estupendos para que as nenas e os nenos experimenten e vaian descubrindo as propiedades dos obxectos, o seu comportamento no espazo, así como as primeiras nocións de lóxica-matemática.

Neste caso empregamos lentellas e pasta alimenticia como materiais continuos, e puxemos a disposición das crianzas envases de diferentes materiais e tamaños.

Deste xeito, os pequenos e pequenas experimentan enchendo envases de diferentes diámetros, inícianse na medida, en conceptos como “cheo” e “baleiro”, expresións de cuantificación (nada, pouco, moito…)… construíndo pouco a pouco a través da experiencia e de xeito activo o seu propio aprendizaxe.

Os Bules, os Cativos e os Miúdos amasamos as típicas orellas. Coa excusa do entroido levamos a cabo unha actividade de experimentación que ós nenos e nenas lles encanta ó tempo que lles axuda a traballar a psicomotricidade e a coordinación viso-manual: o amasado. Mirade como traballaban: