Escola Infantil de Gondomar

Os cativos experimentamos con infusións: primeiro manipulamos as bolsiñas secas, ulímolas, …  despois  elaborámolas.  Moitos Cativos quixeron probalas e para rematar observamos que contiñan as bolsiñas “¡ herbas secas!” Todos quedaron moi sorprendidos co seu contido.

E moi divertido aprender con tódolos sentidos!!

O pasarón moi ben

Os Cativos estivemos traballando a motricidade fina trasvasando pasta en diferentes recipentes. Os nenos/as están moi entretidos con este tipo de actividades e van descubrindo novas posibilidades de xogo e diversión.

Amosamos algunhas das actividades desenvolvidas nos grupos 2-3 en colaboración coas familias dos nenos e nenas que se traballaron dentro do proxecto de animais e flores na Escola  Infantil de Gondomar para festexar a primavera.

As visitas coas mascotas dos nenos e nenas fomentaron as relacións coas familias e a súa participación nas diferentes aulas da escola infantil para presentar os cans, gatos, grilos, tartarugas, hamster, periquitos, coellos, kikos, parrulos,…

A proposta de convidar a pais e nais e mascotas resultou todo un éxito polo interese que despertou esta iniciativa tanto nos nenos coma nas familias.

Os pais concretaban cos educadores as posibilidades de amosar na escola os animais da casa e organizar as visitas correspondentes tentando favorecer o acompañamento dos adultos.

Tivemos gran cantidade e variedade de animais para aprender moitas cousas características de outros seres vivos. Amosamos a través de fotografias algúns momentos que esperamos reflictan a ilusión de compartir o tempo escolar con familias e mascotas.

Grazas unha vez máis a tódalas familias por participar nas actividades propostas dende a escola, porque pensamos que nos enrriquecen mutuamente e favorecen unha educación de calidade.

GRAZAS!

O venres celebramos o aniversario de Hugo, que xa ten dous aniños. Trouxo unha bica que estaba boísima e que saboreamos todos despóis de que o protagonista do día soprara as velas. Para a festa, xuntámonos coa aula dos cativos e bailamos todos xuntos nunha gran roda.

¡PARABÉNS, HUGO!

A semana pasada fixemos un obradoiro de chocolate cos bebes. O chocolate é un material que por as súas características préstase bastante para traballar cos mais pequenos/as  xa que é doce, ten cor e ademais pode presentar distintas temperaturas, xa que podemos utilizar o chocolate morno en contraste co frío para facer esta actividade. Nesta ocasión proporcionámoslles aos pequenos/as distintos útiles de cociña para que  os que non se  atreveran  a tocar este novo material directamente o fixeran a través dunha culler.

Como seguimos co proxecto da primavera: animais e plantas quixemos facer algo diferente e moi atractivo para os cativ@s. Yaiza, que está facendo as prácticas, propúxonos facer un obradoiro de maquillaxe baseándonos na temática dos animais. Unha gran idea! posto que os cativos o pasaron xenial. Cada un deles escollía un animal para pintarlle no rostro logo víanse no espello e sorrían!!

Grazas Yaiza!!

Traballar os sentidos é algo moi importante ademais que o facemos en calquera momento do día. Neste caso decidimos profundizar un pouco no tacto, sentir diferentes texturas. Todos os materiais serven para estimular: teas, las, plástico… Ademais é unha actividade que gusta moitísimo senón mirade…

Na aula Miúdos seguimos de aniversarios, esta vez cumpriu anos Imanol, nada menos que un aniño. Coma sempre celebrámolo cunha torta de xelatina e moita moita festa. Pasámolo moi ben, especialmente Imanol que non deixaba de aplaudir.

Mirade que cara de felicidade. Parabéns Imanol!!

Mirade que cara de sorpresa  puxeron os pequenos e pequenas cando entraron na aula de Miúdos e miraron a piscina de bolas que Aroa lles preparara, tíñanas de todas as cores e varios tamaños, tocáronas, leváronas a boca,  intentaban aplastalas, fixéonas rodar….

Outro día a sorpresa estaba no patio, cando saímos tiñamos un montón de módulos de psicomotricidade, aros, túneles agardándonos. A estas idades a distribución do espazo e do material debe adaptarse as variadas e cambiantes necesidades das crianzas e ás distintas actividades  que realizamos con eles e elas.

Anxo Spencer estivo de aniversario, e para celebralo a súa familia tróuxonos unha torta moi particular feita de compota de mazá,  primeiro tocárona coas mans para facerse coa nova textura e despois  levaron pequenos anacos a boca, tendo moi boa aceptación. Coma sempre celebrámolo con música e baile, pasámolo moi ben.

Moitos parabéns Anxo!