Escola Infantil de Gondomar

Durante a semana pasada levamos a cabo unha serie de obradoiros sensoriais coas crianzas, que tiveron moi boa acollida. Fixemos dous, o primeiro día empregamos fariña e o segundo arroz, materiais que por as súas características préstanse  para facer moitas actividades coas crianzas, aos nenos  e nenas encántalles ver como estes materiais se deslizan polos seus dedos, perciben sensacións ao encher, baleirar, comparar, e axúdalles a coordinar a motricidade manual e é unha agradable experiencia táctil que lles permite sentir moi variadas sensacións.

Como elaborar un  maio é algo practicamente imposible  a estas idades, durante a semana dos maios, na aula de bebés adicámonos  a mirar, tocar, ulir, sentir as distintas variedades de flores que moi gustosamente nos achegaron as familias durante esta semana,  e para rematar a actividade, tiramos anaquiños de flores e pétalos en forro adhesivo que posteriormente Aroa e Alicia pegaron no cristal.

Este ano tivemos unha xornada moi musical, comezamos pola maña con gaita e rematamos a tarde, que non podía ser menos, tamén con gaita.

I é que pola tarde visitounos o pai de Pabliño, o máis pequeno do grupo. Trouxo unha gaita e foi montando cada unha das pezas, contounos como se chamaban e un pouquiño para que servían. Por último puidemos escoitar o seu son que nos fixo bailar e cantar cancións como “..vai tu pra casa dela..” e moitas outras.

Moitas grazas Chanel por ser un gaiteiro tan paciente e colaborador, pasamos unha tarde moi divertida.

Os contos pola tarde tiveron moito éxito. Aínda que os nenos e nenas xa estaban acostumados a escoitar contos case a diario, o que lles chamou a atención foron os diferentes formatos e soportes que utilizamos para a representación de cada conto.

RETROPROXECTOR

Utilizamos o retroproxector para contar contos que eles sempre viron en tamaño papel e que  agora resultaba ser todo un descubrimento velos tamaño parede. Ver a vaca de “MIAU” ou as lúas e o sol de “LÚA”  e o Coelliño Branco e a Formiga Rabiga.

O POLO PEPE

Tamén traballamos o conto de “O POLO PEPE” pero o interesante e sorprendente neste caso foi que viu o propio Polo Pepe a contarnos o seu conto e bailar con nós a súa canción, pasámolo moi ben.

OS TRES PORQUIÑOS

Nesta ocasión os nenos puideron participar no desenvolvemento do conto utilizando bonecos e casiñas para escenificar o conto.

Moitas grazas a LETICIA, LIA e YAIZA que representaron para nós os contos de “Os tres porquiños” e “Carapuchiña” , pasamos unha bonita tarde con estas tres artistas. Estivéchedes xeniais¡¡

O pasado venres celebramos os aniversarios de Paula e Iker, que fixeron 2 anos. Os seus compañeiros e compañeiras decoraron dúas coroas chulísimas para os reis da festa, e despóis de soprar as velas e felicitalos fixemos unha gran festa e saboreamos os bizcoitos e a rosca.

PARABÉNS!