Escola Infantil de Gondomar

O longo do curso fixemos moitos obradoiros: papel, fariña, chocolate… en fin!, todo o que se nos ocorría. Case todos tiveron unha gran acollida aínda que como é de esperar, uns gustaron máis que outros. Así, decidimos repetir algúns dos que resultaron mellor, algúns cos que máis defrutaron todos os cativ@os.

Celebramos o San Xoán, a noite máis curta pero o día máis longo!! Seguindo unha das moitas tradicións da nosa cultura galega fixemos a tan coñecida auga de San Xoán. As familias achegáronnos as herbas propias para facela entre todos os cativos: ulimos, tocamos…  para logo deixala baixo os encantos da lúa. O día seguinte lavámola cara con esta auga que segundo as lendas ten moita maxia. Os nen@s estaban encantados aínda que… algúns dicían que estaba moi fría!!!!

Deixámosvos un enlace para que consultedes o menú do mes de xullo menu-xullo2012-1

…E que cumplan moitos mais…!Parabens polos tres anos mellor cumpridos!

Xa sodes uns maiores!

Gústannos moito os contos e… hoxe está un día que apetecen máis que nunca. Xuntámonos os cativos e os bules para facer unha gran sesión de contacontos: lua, lua…, cocodrilo verde… Os cativ@s axúdaronnos a contalos, participan moitísimo!! Mirade que atentos están todos!!

Xa sabedes que na Escola Infantil de Gondomar nos gusta experimentar e que calquera cousa nos serve para xogar e aprender. Esta vez quixemos probar un novo material: xuntámonos os Miúdos, os Cativos e os Bules para participar nun obradoiro moi divertido. Tras descalzarnos e sacar os pantalóns entramos na aula e atopámonos unha gran sorpresa: un montón de espagetis cocidos. Mirade como gozaban da nova textura, incluso algúns se animaron a probalos.

O domingo a nosa “cativa” Antía Comesaña cumpriu 2 aniños!!! Nós celebrámolo hoxe cunha bica moi deliciosa. Sopramos a vela para logo xogar todos xuntos, sempre intentando compartir entre todos. Sacamos unhas fotiños para que vexades!!

Moitos parabéns Antía Comesaña!!!

Os fervellos temos no patio da aula un xardín colgante que nos axudou a plantar a nai da nosa compañeira María.  Aproveitamos as botellas plásticas de auga que reutilizamos como maceteiros. Os nosos educadores pensan que participando a cotío na semente e na rega das plantas do noso xardín, podemos aprender actitudes positivas cara as plantas como seres vivos que medran e comezar a saber respetalas e coidalas.

No noso xardín temos leitugas, tomates, xudías, herba, millo, plantas de flor. Coa axuda do sol e a auga da rega estan medrando felices na compaña dos nenos e nenas que as respectan poque as coidan e van aprendendo.

Parabéns para todos os nenos e nenas pola súa maña!

Na escola infantil de Gondomar estamos moi contentos da colaboración e acompañamento das familias nas actividades do centro. Con motivo da celebración das letras galegas solicitamos a pais e nais un achegamento a nosa cultura a través de imaxes, gastronomía e  música e folclore da terra.

Esperamos que as montaxes reflictan a ledicia dos nenos e nenas na compaña de familiares e adultos que nos amosan algúns dos seus saberes con relación á cultura propia. Unha vez máis a colaboración cotiá familia e escola da como froito un enrriquecimento das actividades organizadas e unha aprendizaxe apegada á realidade.

Agradecemos moito a participación nas actividades , tanto á madriña de Anxo como a tía de Andrea e amigas, a Yaiza, estudiante de educación infantil que nos acompañou uns días na aula.

Queremos suliñar a visita moi especial de Marta,  irmá maior de Iago,  quen nos acompañou con moito cariño e ilusión e  escoitamos un conto moi bonito, foi a encargada do reparto de galletas e auga e aprendimos a regar con ela o noso xardín colgante.

Grazas a todos e todas por investir este tempo na educación dos pequenos. Xa se sabe; “Fai falla a aldea enteira para educar a un neno”.

Deixámosvos un enlace para que consultedes o menú do mes de xuño. menu-de-xuno