Escola Infantil de Pantón

Co material recollido na saída que fixemos o pasado día (castañas, follas, ramiñas…), fixemos un mural do outono. Para realizalo empregamos a maiores unha cartolina, pegamento e cola branca, e para darlle brillo o equipo educativo deulle unha man de verniz transparente.

A continuación amosámosvos como os nenos e nenas poñen moito interese e concentración a maiores de pasalo moi ben e rir moitísimo.

E así nos quedou de bonito, esperamos que vos guste.

Fixemos unha saída a unha carballeira pretiño da galescola. Alí recollemos elementos típicos do outono coma castañas, landras, ramas , follas secas…

Despois cando regresamos, os nenos e nenas manipularon todo o material que recolleron e aproveitámolo para facer o mural de outono que vos ensinaremos nos próximos días.

Realizamos unha plantación con sementes de diferentes plantas ornamentais e para iso cada pícaro trouxo un envase baleiro de iogur .

Habituámolos a regar e a coidar as súas plantiñas ata que medren e as poidan levar a casa, fomentando así o coidado e respecto á Natureza.

Primeiro enchémolos de terra.

Regamos

Fomentando o recoñecemento e aprendizaxe das cores primarias decidimos facer con cada cor (agora coa cor amarela), unha caixa de pezas encaixables con material de refugallo que foron pintadas polos pícaros.

Despois da elaboración do encaixable, xuntámonos todos e todas para xogar…