Na Aula Luca, tivemos unhas visitas moi ESPECIAIS: primeiro, a mamá de Lucas( Alicia) tróuxonos dous coelliños pequenos; e o avó de Bruno( Candolo) presentounos á súa ovelliña. Coma desfrutamos do momento…

E como non, tamén, tocou facer unha visitiña á aula Quenda; que sorprendidos quedaron e como lles gustou esta experiencia!!!

E agora, para ver un pouco máis de “acción”, van uns vídeos dos momento máis divertidos:

coellos

cordeiro

Polo día do libro, comezamos unha nova aventura do noso LIBRO VIAXEIRO!

Desta volta crearemos entre tod@s unha historia cortiña, para logo facer un CONTO ANIMADO que pase a formar parte da nosa BIBLIOTECA de aula.

Cada un de nós, levará o libro para a casiña e- en FAMILIA- colaboraremoas nesta divertida experiencia, escribindo unha pequeniña frase.

PREPARADOS! LISTOS! A NOSA HISTORIA COMEZA … XA!

De momento, sabemos que o conto trata dun gato, chamado GARAVATO! ao que lle acontecen unha serie de aventuras que iremos descubrindo cada día.

Continuará …

Saímos ver a nosa horta e a nosa árbore, e observamos ben todo.

Pero agora, que xa pasaron uns meses, e tendo en conta todos os coidados que estes nenos/as lle dan tódolos días; xa está así de grande!!

Gústanos moito facer cousiñas con material de refugallo, e desta vez imos facer uns maceteiros! Só precisamos un vasiño de plástico, plastilina e unhas lentellas.

Quedaron moi bonitos!

E despois, plantamos neles unha faba!

Ollade o vídeo:

os-nosos-maceteiros

Un día do pasado mes de Abril…

… cando chegamos á aula, Quenda non estaba!! E no sitio dela había unha carta , onde Quenda nos contaba que se fora da escola e que estaba en Santiago decidindo en que medio de transporte continuar a súa viaxe; e pedíanos axuda para tomar esa decisión.

E nós, rapidiño, a axudamos de diversas maneiras…

-Primeiro, os nenos e nenas buscaron na casiña- con axuda dos seus papás- diferentes medios de transporte que trouxeron á escola:

- Logo,  fixemos uns barquiños e uns avións de papel, que  decoramos con moito arte:

- E por último, convertímonos nuns trens moi divertidos que subían e baixaban ao son da música:

Ollade estes trens en movemento!!

os-nosos-trens

E ao final… sabedes en que voltou Quenda??

En autobus!!

A Aula Luca estivo facendo estes días unhas probas de sabores. Para diferenciar o sabor agre do sabor doce, servímonos dun limón e dun pouquiño de azucre (polo xeral gustou máis o azucre :-).

Nestes videos veredes os resultados!!

limon

azucre

Agora xa temos as patacas, o repolo e as cebolas plantadas; pero para poder plantalas primeiro preparamos a terra, e non o fixemos soíñ@s!

Un día, saímos ao patio e decidimos preparar a horta, pero non podiamos! Era moi difícil, estaba todo cheo de herba…

Entón, pedimos axuda ás nosas mamás e…  viñeron!! Dispostas a votar unha man!!

E desta maneira, coa súa axuda foi máis doado comezar con esta experiencia!

Así que de parte de todos nós: Begoña (nai de Sheila) , Mar (nai de Iago L.) e Carmen (nai de Hugo), queremos decirvos:

MOITAS GRACIAS!

TOCA  DECORAR A AULA PARA RECIBIR A PRIMAVERA  E COMO A TOD@S NOS ENCANTAN OS PAXARIÑOS, PINTAMOS UNS POUCOS:

COMO NOS PUXEMOS!!! OLLADE O VÍDEO:

Paxariños a pintar

Como estamos na PRIMAVERA imos facer unhas FLORES, con material de refugallo, só precisamos uns moldes, papel para debuxar as folliñas e unhas pallas.

Comezamos pintando uns moldes de madalenas:

Agora toca coller a cor verde! Para pintar as folliñas:

Só falta poñerlle a palliña de tallo e… Listo!! Xa temos as nosas flores de primavera para poñer ben fermosa a nosa aula!