Escola Infantil de Mondoñedo

Hoxe, despedimos ao OUTONO e cantas vivencias tivemos a través dos seus elementos( follas, ourizos, castañas, vento, choiva, cogomelos, paraugas, botas, …) durante todos estes meses. Encantounos!:

O Outono

E, agora, só nos queda dicir …

TOC, TOC quen é?

O INVERNO, outra vez!

Que da man do NADAL ven!

Son tempos das follas caídas, das castañas, dos calacús, … ; chegan as augas e os tempos escuros, remata o verán e damos a benvida ao OUTONO.

E con el, tamén, chega … O SAMAIN E O MAGOSTO

O Samaín, unha festa que levaba décadas esquecida e que volta a recuperarse grazas ao traballo das escolas, colexios e varios concellos de Galicia.

A noite do 31 de outubro comeza o Ano Novo celta, remata o verán e comeza o inverno. Nesta noite, as ánimas dos mortos atravesan a porta que separa o mundo dos vivos e dos mortos e visitan as casas das súas familias para quentarse e tomar algo de alimento.

video samain

Queridas familias:

Comunicámosvos que este documento e de gran interese para vós, xa que nel se  indican os dereitos e deberes de todas as persoas usuarias da Rede de Escolas Infantís A Galiña Azul. Indicar que o regulamento está pendente do seu visado polo Servizo de Inspección competente, pero é de aplicación desde o día 01.10.11

Podedes consultalo no seguinte enlace:

http://www.igualdadebenestar.org/mediateca/documentacion/d_regulamento_escolas_2011.pdf

Video

O PASADO MES DE SETEMBRO, COMEZAMOS NA AULA REMI (0-2 ANOS) UN NOVO CURSO.

COA CHEGADA DESTES PEQUECHOS, VOLVE A ENCHERSE A CLASE DE EMOCIÓNS E ILUSIÓNS POR FACER QUE O TEMPO QUE ESTEAN CONNOSCO SEXA MOI AGRADABLE E ACOLLEDOR.

ESPÉRANOS UN MUNDO DE SENSACIÓNS POR DESCUBRIR!

OLLADE O NOSO VÍDEO DE BENVIDA:

benvida-da-aula-remi

Como pasa o tempo, parece que foi onte cando, en xuño, a aula Quenda invitou aos nenos e nenas do curso pasado para facer un obradoiro e logo merendar.

Cando deron a noticia que lles ían, tamén, facer unha visita ao colexio: Que ledos se puxeron todos e todas e canto xogaron!

Seguro que esta non será a última xornada de convivencia! :

E xa estamos en OUTUBRO!

Cando comezamos un novo curso, facémolo con moitas dosis de ilusión, para cumprir o noso primordial obxectivo:

ENSINARLLES A MEDRAR E A SER FELICES

Así, durante todo o mes de SETEMBRO:

1º. As familias e o equipo educativo: Tivemos a primeira xuntanza para falar do noso “DÍA A DÍA” e das NORMAS DE CONVIVENCIA:

2º.Toda a escola viviu un acontecemento excepcional…

… O PERIODO DE ADAPTACIÓN:

1) Os PEQUECHOS/AS que ingresaron na ESCOLA por PRIMEIRA VEZ e os que co inicio de curso, CAMBIARON DE AULA e coñeceron a súa nova parella educativa. De feito, algunha vez que outra, aínda se confunden e van en filiña para a súa antiga aula.

2) As FAMILIAS ,esperanzadas de que os seus fillos/as souberan adaptarse á nova situación, intercambiaran información e cuestións coa parella educativa.

3) O MESTRE/A OU EDUCADORA, intentaron facer unha acollida individual o máis positiva posible, para que os nenos/as os aceptaran rapidamente e poder, así, apreciar hábitos e características individuais e apoiarse nelas para facilitar o máximo posible o delicado paso da familia á escola.

E aquí vai un pequeno video sobre o paso do período de adaptación pola nosa escola:

Video presentacion_periodo adaptacion

Hoxe, meus pais espertáronme máis cedo do normal, están un pouco nerviosos e non paran de repetirme: “imos, hoxe é o teu primeiro día de cole“. Os meus pais levan moito tempo falándome do cole, pero eu non sei moi ben o que é.

Puxéronme unha roupa moi bonita, peitearonme e botei un pouco de colonia. A ese lugar débese ir moi guapo. Danme moitos biquiños e achuchóns e lévanme á escola.

Aquel lugar é moi grande e hai moitos nenos e nenas coas súas mamás e papás. É divertido porque coñezo algúns nenos do parque. De súpeto, sae dunha porta unha muller moi simpática. Nese momento, algúns nenos comezaron a agarrarse forte ao colo das seus pais, con cariñas de pucheiros e, sen saber moi ben como,atopeime dentro dunha clase con moitos nenos.

Ese sitio é moi bonito porque hai moitos debuxos, xoguetes, etc., pero os meus papás non están alí e eu ese lugar non o coñezo de nada,… Hai un neno louro nun canto que non para de chorar, unha nena acábase de facer pis e esa que din ser a miña mestra ten outra nena nos brazos e cántanos moitas cancións.

Este lugar non está mal de todo, pero non sei aínda porque me trouxeron aquí, co ben que se estaba na camiña…

Autora: Manuela González Castaño

Algo parecido é o que debe sentir un neno ou nena cando se separa por primeira vez da súa familia, para ir á escola infantil.

Así, nestas idades tan temperás-os vosos/as pequechos/as- necesitan da vosa axuda para que a incerteza e inseguridade que lles provoca este cambio de vida sexa o menos doloroso posible ; conseguindo, así, adaptarse e ser FELIZ no seu novo espazo.

A escola infantil representa unha fase da vida na que nenos e nenas se proban a si mesmos e asumen a medida das cousas. E é o noso deber concederlles o tempo necesario para facelo.

Así, que na nosa escola comezamos co periodo de adaptación!