Escola infantil de Nigrán

Este pasado luns empezamos a semana traballando nun obradoiro de pan.

No salón, as nosas profes amosáronnos os ingredientes que se precisaban para facer a masa. Había auga, sal, fermento e, por suposto, moita fariña. Mesturando todo e amasando moito, quedaba feita a masa.

Pero faltaba o toque máxico que lle dan as nosas profes a todo o que fan: colorante alimentario!!. Foi tan máxico que fixeron masa de cor vermella, masa azul e masa amarela.

Despois de moito amasar repartiron as distintas masas polas nosas mesas e…, a amasar nós tamén!!. Estiramos a masa con roletes, pinchámola con garfos e fixemos boliños de pan. Ademáis, ós boliños puxémoslles noces para que, despois de pasar polo forno, estiveran máis ricos.

E, tras pasar polo forno, levamos os nosos boliños de pan para a casa. Estaban boísimos!!.

Nestes días estamos preparando un obradoiro para facer pan, por iso, antes de amasar, imos  coñecer o ingrediente máis importante desta elaboración: a fariña.

Nas aulas, coñecemos as diferentes sensacións: a súa textura, sabor, suavidade e lixeireza. O noso obxectivo era realizar diferentes accións con ela: espallar, amontoar, soprar, grafar, masaxearse…ademais de identificar o proceso de transformación que se produce coa mezcla fariña-auga; e con elo descubrir o amasado, modelado, estirado, pegado…

Cantas cousas aprendimos coa fariña, e que branquiños quedamos ó acabar a sesión!!

Pasámolo en grande con tanta fariña!!. Ollade, ollade…

A palabra que escolleron as profas dos Unicornios para xogar esta semana é:

BRUNIR

A palabra xangal, que escolleran as profas dos Trasnos é:

xangal

 

adx Que é pacífico. Tm s.

SIN:

xagaz.

 

Ao día seguinte de manipular nas aulas a pasta crúa fixemos un obradoiro no salón con pasta cocida.

1ºEntramos no salón descalzos e  sentámonos por aulas.

2º Presentáronnos a Dona pasta: era moreniña e tiña os ollos alaranxados.

3º  Volvéronos recordar os nomes das diferentes pastas que utilizamos no obradoiro, e tamén os utensilios que nos deixaron.

4º Tocou a hora de manipular, xogar, e as profas nos ensiñaron unha cousa máxica, a pasta quedaba pegada no papel continuo, pegada na parede e tamén nos cristais. Pero despois dun chisco, xa quedaba pegado a calquera parte do corpo, pero sobre todo nos pés e nas mans.

No mundo máxico, pola tardiña, tamén fixeron o seu obradoiro de pasta, con paellera incluida.

Canta pasta e canta diversión!!

Esta semana Tami e Zaida, as dos Trasnos, escolleron a seguinte palabra:

XANGAL

para xogar coas palabras.

O xoves 25, nas aulas, estivemos manipulando e coñecendo diferente pasta crúa: espaguetes, espirais, lazos, macarróns… algúns eran de cores porque son vexetais. Coa pasta tivemos moitas alternativas, en algunha clase xogamos ás cociñiñas, pintámolas para facer colares, pisámolas para saber o ruído que facían e que sensación nos producían ao pisala descalzos, fixemos un collage con elas e, sobre todo, probámolas como bós cociñeiros que somos.

Queredes botar unha olladiña ó ben que traballamos?.

Familias: aquí tedes os enlaces para que

consultedes os menús do mes de marzo

das vosas crianzas.

MENÚ DE BEBÉS

MENÚ SEN LACTOSA

MENÚ SEN OVO

MENÚ XERAL

Á MEDIA MAÑÁ: A PARVA

A palabra desta semana, parva,

que escolleron as PSX’s,

ten o seguinte significado:

Parva

s f Copa de augardente ou comida lixeira que se toma a media mañá ou antes do almorzo. albaroque, …

Na escola, sobre as 10 h., tomamos a parva

O menú da parva deste mes é:

a parva

Hoxe na aula do Mundo Máxico estivemos de festa porque o noso compañeiro Iago cumpriu 3 aniños.

Así que, entre todos, decorámoslle unha postal moi fermosa para que tivera de recordo dun día tan especial. Quedounos chulísima!!.

Logo, axudámoslle a soprar as candeas da súa tarta. Eran moitas candeas pero nós sopramos fortísimo e poidemos apagalas todiñas.

Pasámolo en grande cantándolle e felicitándoo. Tódolos teus compañeiros da tarde desexámosche moitos parabéns Iago!!.