Escola infantil de Nigrán

Foi o aniversario de Cris e tróuxonos galletas, bombóns e zume; soprou as velas e fixemos unha festa fantástica. Que ben o pasamos!!

Parabéns Cris.

Como estamos traballando os animais da granxa, decidimos pintar un cabaliño. Primeiro coas mans e logo cos rolos. Gustoulles moito mancharse, pintar e logo lavarse…

As Estreliñas de Mar observaron unha choca, manipulárona, fixérona soar e xogaron con ela.

Canto ruído facía!!

Ademáis,  cantaron cantigas, xogaron con bonecos, fixeron unha ouvella, contaron contos, etc; todo relacionado cos animais da granxa.

“Os animais da granxa”.

As Estreliñas de Mar leron un conto e despois pintaron o porco.

“O porco lambón”

A mamá porca, que tamén vivía na granxa, tiña catro filliños. Un deles estaba todo o día comendo e por iso lle chamaban “porquiño lambón”. ¡ Comía todo o que vía!.

A súa nai dixéralle:

- Ten coidado có que comes que te pode pór maliño.

O porquiño non facía caso. Un día veu no chan unha cousa que lle pareceu moi bonita e pensou:

- ¡isto ten que estar moi bo!

Comeuno e… ¡Ai, que dor!, era unha pedra que lle rompeue un dente.

- ¡Mamá!, -dixo chorando ó voltar á casa - ¡mira o que me pasou!

A mamá levouno ó médico e curárono. Dende entón o porquiño ten moito coidado e non come todo o que ve.

Rui díxolle adeus ao cueiro, estao levando moi ben. Noraboa Rui.

Precisamos que mañá para festexar o día da Paz os vosos nenos veñan vestidos con roupa de cor branca. Grazas pola vosa colaboración.

Na clase dos Cabaliños de Mar decoraron unha vaca. Fóronlle pegando as manchiñas…

Tamén probaron o leite de vaca.

Os nenos e nenas da clase dos Augamares tamén participaron no obradoiro de pasta, aínda que o fixeron na súa aula.

Tomás,nestes días, está a quitar o cueiro e, aínda que o precisa para durmir, xa  vai controlando moi ben a situación. Ánimo Tomás, segue así.

O venres, como peche do tema dos cociñeiros, fixemos un obradoiro de chocolate.

Por suposto que foi todo un éxito; manipulamos, pintamos, ulimos… e saboreamos o chocolate!

Estaba boísimo, botade unha ollada!