Escola infantil de Nigrán

Hoxe festexamos o aniversario de Paula.

Pasámolo moi ben porque, como sempre, había torta, zume e… amizades con quen compartir.

Tamén sopramos as dúas candeas.

Nico, da aula das Estreliñas, xa non usa cueiro.

Ollade que contento vai ao baño!!

Eva, da aula das Estreliñas, xa non usa cueiro.

Lévao moi ben e a roupa xa vai chegando.

A semana pasada festexamos o 2º aniversario de Lukas, da Unidade da Tarde.

Soprou as 2 velas.

Comemos o bizcoito que nos trouxeron os papás de Lukas.

Mirou moi atento a postal de felicitación que lle fixeron os seus compañeiros.

Xogamos con confeti e globos, pasámolo moi ben!!

Os nenos e nenas de 1-2 traballamos coma auténticos xardineiros e floristas.

Coma sempre coidamos as plantas que temos nas nosas aulas…

…pero ademais saímos ao patio e recollemos flores….

O patio estaba cheo de pampillos!!

…para preparar un ramiño para as nosas familias.

No noso achegamento ao mundo laboral, os nenos, nenas e profes da galescola de Nigrán, fixemos uns bizcoitos…

Traballamos moito ese día:

preparamos zume de laranxa,

botamos os ingredientes,

e remexemos.

Tamén fixemos algunha trasnada!

UMMMMMMMMMMMMMMMMMMMMMMMMMMMMM….

Para chupar os dedos!

A palabra que escolleron

as profes de Estreliñas é: MARIOLA

Hai que ver que sonoridade

ten !!

Se sabes o significado,

xoga connosco e insire

un comentario nesta páxina.

O significado da palabra coa que xogamos a semana pasada é:

Sabela, s.f. Peixe mariño teleósteo que na primavera desova nos esteiros dos ríos.

É un dialectalismo. A forma recomendada polo VOLGA é zamborca, inda que a forma maioritaria é sable

Nota: pódese confundir a Alosa alosa (ou sable en galego) có Alosa fallax (sabela ou zamborca en galego), xa que son moi parecidos.

http://www.rios-galegos.com/pe5.htm

Emma xa ten 3 anos!!!

As Caracolas pintáronlle unha postal de recordo.

Fixemos unha gran festa para celebrar o aniversario con Emma.

Os Augamares achegáronse esta semana aos oficios e profesións.

Primeiro fixeron un mural

Logo escolleron unha profesión moi, moi artística: foron escultores. Traballaron arreo coa plastilina.