Escola infantil de Nigrán

Xa sabemos o que é unha cacharela:

O pasado 23 xuño aínda que fora de mañá, festexamos a “Noite de San Xoan”.

Fixemos unha fogueira, pero das que non queiman!

Saltámola coa axuda das profes, ou  pasámoslle por enriba.

E como non…preparamos auga de San Xoan, coas herbas que trouxemos da casa para,  ao día seguinte, lavar a cara con ela.

Tiñamos herba luísa, romeu, fiuncho, nébeda, poexos, trementelo, espliego, árnica, rosas, fentas,…

Puxémos unha ramiña de acivro para que o demo pola noite pinche o cú e non mexe nas flores

A palabra que escolleron as profas dos

Golfiños para xogar esta semana é:

cacharela

O verán xa chegou, e na galescola de Nigrán  témolo todo preparado:

Bañadores e bikinis

Pareos

Gafas de sol

Gorros

E como non, toallas!

Chegou o momento de despedirnos dos nenos e nenas máis maiores da galescola, por eso fixemos unha festa fin de curso.

Como queira que en Nigrán estamos moi interesados por outras culturas e outros costumes, decidimos facer unha festa hawaiana.

Decoramos o salón para a ocasión.

Somerxídos no espíritu aloha*, documentámonos moi ben na indumentaria que debiamos levar,nas bebidas que debiamos servir, nos petiscos exóticos que tiñamos que elaborar… e puxémonos mans á obra.

* Espíritu aloha: É a motivación que se expresa a través da alegría, a cortesía, a simpatía e a razoabilidade. Utilízase para saudar e bendecir  aos visitantes  e pódese traducir por: beleza, paz, goce ou benaventurado sexas.

O público comezou a chegar, e pouco a pouco foise enchendo o salón.

Amosámoslle ás nosas familias a canteira de artistas que temos na galescola.

“Gústame o sol” Augamares

“Pica poliño” Golfiños e Cabaliños

“Chuchuwa” Estreliñas e Caracolas

Despedímonos como é debido de aqueles que pasan ao cole de maiores. Se fora posible…., repetirían curso para seguirmos disfrutando deles!!

Xogamos ao tris-tras, como en cada festa das nosas.

E despois de tanto canto e tanto baile recargamos forzas cuns “pinchiños” que nos fixo a cociñeira Ana e as nosas queridas psx Marisa e Charo.

E como peche da festa……..

ESPUMA

AUGA

Estes días andivemos a traballar con algunhas froitas desta tempada:

O melón

A sandía

Abrímolas para ver como eran por dentro.

E como non… probámolas!!

A actividade de experimentación con xeo resultou, ademais de refrescante, moi atractiva para os nenos e nenas da escola.

Botade unha ollada:

Preparámonos…

Empezamos a manipular

Chegou o fin; a recoller!

O grupo da tarde tamén viviu esta experiencia:

Xa sabemos o que é un curucho

Curucho:

1.sm Especie de capucha de palla ou doutro material coa que se cobre a parte superior dun palleiro.

2.sm Parte máis elevada de algo con forma cónica

SIN: CORUCHO, CURUTO

Neste tempo tan caloroso, aproveitamos para experimentar con xeos. Pero para iso, primeiro os tivemos que elaborar.

E claro, empezamos a conxelar todo o que se nos ocurría:

Xoguetes:

Pedras:

Follas e flores:

E ata froitas!

Iso si, todo sumerxudo na auga

Queredes ver o resultado?

Pois teredes que agardar á seguinte anotación; Ohhhhhhhhhhhhhhhhhhhh

Dende aquí querémoslle dar moito ánimo a Martín (dos Cabaliños de mar), no seu camiño cara a autonomía e o control de esfínteres.

Parabéns Martín. O estas facendo moi ben!