Escola infantil de Nigrán

Esta semana xogamos coa palabra:

CALACÚ

que escolleron as profas dos Trasnos

Flor do calacú

Cóntannos os máis vellos que, cando eran pequenos e polo mes de Santos,

facían caveiras  cos calacús que collían nos campos e colocábannas,

cunha vela acesa dentro, nos cruces dos camiños para asustar á veciñanza.

Este luns comezamos a colocar as cabazas que nos traían as familias.

En verdade que os parentes destes nosos nenos son uns verdadeiros artistas.

Pouco a pouco íase enchendo a nosa exposición.

Había algunha que de verdade daba arrepío.

Tamén as había moi, moi especiais;

senón observade a esta matrioska.

E familias, lembrade que temos agasallos para todos.

Estes días tódolos nenos estamos a traballar moitísimo para decorar a escola para o Samaín.

Pintamos de cor laranxa, facemos fantasmas para os nosos castelos máxicos, debuxamos cabazas, xogamos a rachar papel laranxa… Pasámolo en grande preparando todo para a gran festa que imos a ter dentro de pouco.

E ademais non temos nadiña de medo convivindo entre fantasmas, cabazas, arañas e o resto de seres terroríficos que pululan pola escola estes días. Mirade, mirade…

En Nigrán chegou a vendima. O pasado xoves, cos nen@s de 0-2 anos, e o venres cos de 2-3, fixemos un obradoiro coas uvas:  manipulamos, probamos, pisamos, pintamos…e incluso tomamos zume de uva.

Moitas grazas ás familias pola súa colaboración cos acios de uvas;  fixeron que o obradoiro fora todo un éxito.

Na aula dos Trasnos tivemos tres aniversarios:

Raúl, Daniela e Manu xa teñen 2 anos. Moitos Parabéns para todos eles.

A palabra que escolleran as Fadas para

xogar coas palabras, ESGREVIO,

ten o seguinte significado:

esgrevio -via
1 adx Aplícase ao terreo montesío con numerosas rochas e pendentes ou desniveis considerables. <!––> 2 adx Aplícase á terra que ten arxila e fende facilmente cando seca. <!––> 3 adx Aplícase ao pan que queda seco e duro porque se moeu mal a fariña. <!––> SIN: abrupto, áspero, crebado, escabroso, escarpado, fragoso.

Hoxe, na aula dos Dragóns, festexamos por todo o  alto o aniversario de Aarón. A ocasión  merecíao, xa que o noso dragonciño cumpriu o seu primeiro ano.

Organizamos unha festa con música, zume, torta… Mirade o ben que o pasamos!!.

Nestes días estamos de noraboa porque xa temos outros dous Dragóns que camiñan.

Nico e Brián:

Esta semana escollen palabra as profes das Fadas.

Escolleron ESGREVIO e agora tócanos a todos nós

adiviñar de que se trata.

De todos xeitos imos pór unha pequena

pista gáfica para este adxectivo.

Chegou a vendima, por iso en Trasnos quixemos coñecer as uvas e as follas da vide moi de preto.

Manipulamos e probamos as uvas, despois de coñecelas e saborealas, fixemos a nosa vide particular pintando e pegando gomets cada un nun acio. Quedounos chulísimo.