Escola infantil de Nigrán

A palabra que nos regalou a nai de Adriana é:

Alfándega, que ven sendo:

alfándega
< ár al-funduqā < gr παν-δοχηεῐον ‘albergue, hostal’
port:alfândega, aduana     cast: aduana     ingl: customs     alem: Zollamt
s f Oficina do estado onde se rexistran as mercadorías de importación e exportación. SIN: aduana.

O pasado venres festexamos o Magosto na nosa escola.

Así que, para tal celebración, asamos castañas ca axuda da nosa cociñeira Ana. Despois de comelas pasámolo en grande cantando e bailando. E nós tamén axudamos tocando os instrumentos.

Botade unha ollada ó ben que o pasamos!!.

Os pais e nais da nosa escola xa se organizaron.

Constituíronse en Asociación e xa se ocupan

formalmente de xestionar todas aquelas

cuestións que lle preocupan  sobre as súas crianzas.

A palabra que propuxo a nai de Adriana

para xogar esta semana é:

Alfándega

Podedes xogar connosco e inserir un comentario

co significado da palabra.

Tamén queremos enviarvos este enlace:

http://www.xunta.es/linguagalega/animacion_bocaberta

que vos levará aos programas de dinamización

lingüística que está a desenvolver a Secretaría

Xeral de Política Lingüística e poderedes ver

as diversas actividades que

programan para os máis novos.

Esta semana xogamos con

chiscadela, que significa o seguinte:

chiscar
< chisca
1 v t Pechar os ollos momentaneamente para facer un sinal ou por acto reflexo. <!––> 2 v t Tocar unha cousa rozándoa lixeiramente. Tm abs. <!––> SIN: choscar, chuscar, chincar, devolver, vomitar. CFR: acender, prender, salivar.

Para que miredes o ben que o pasamos ca visita dos chicos de Ragdog, deixámosvos un pequeno vídeo dunha das súas cancións na nosa escola. 

Ademais, dende aquí queremos apoiar a este grupo que está nomeado ós Premios 40 Principales como mellor artista novo. Nesta dirección podedes botar unha ollada: 

http://www.los40.com/premios-40-principales/votaciones

Moita sorte e grazas de novo pola visita!!

ragdog

A palabra proposta par esta semana é:

CHISCADELA

Propuxérona as profas da aula de Meigas.

Se sabedes o que é escribide unha anotación e…

facédenos unha chiscadela!!

Hoxe tódolos nenos da escola asistimos a un concerto!!. Aproveitando que o fillo da nosa PSX Charo é un dos compoñentes do grupo Ragdog, invitámolos a visitarnos. Viñeron a cantarnos unhas cancións, deixáronnos toca-las súas guitarras, puxéronlle música as que cantamos nós…

Pasámolo en grande con Pablo e con Juanma. Moitas grazas pola vosa visita, gustounos moito. Esperamos vervos de novo por aquí!!

O pasado venres, na aula de Meigas estivemos de celebración, festexamos o aniversario de Unai, que cumpriu un ano.

MOITOS PARABÉNS!!!

A palabra que escolleron as profas dos  unicornios,

PALLETA, vén sendo:

Unha palleta é unha lámina ou láminas situadas na embocadura de certos instrumentos de vento, cuxa vibración permite a emisión do son a través do aire producido polo intérprete.

Unha palleta no punteiro.