Escola infantil de Nigrán

Os pequenos da escola tamén estamos a traballar cos produtos da horta; así que, estes días, pintamos unha cenoria xigante.

Pegamos o debuxo da cenoria no chan e pintámolo cas mans. Algún de nós tamén se atreveu a pintalo con todo o corpo e rematamos de cor laranxa por todos sitios.

Pero non nos importou porque pasámolo en grande e quedounos unha cenoria ben fermosa.

Aproveitando que aínda temos o patio un pouco patas arriba, polas obras que houbo, as profes da aula de Fadas tiveron unha idea boísima: deixáronnos saír a xogar co barro!!.

Así que, puxémonos as botas de auga, a nosa roupa de trote…, e a xogar!!.

Foi moi divertido saltar nas fochancas e meter as mans dentro. Ademais, as nosas profes tamén saíron a pisar no barro e pasáronno tan ben coma nós. Xa estamos desexando volver a repetir esta actividade tan chula.

Estes días, a nosa cociñeira Ana estanos a axudar a coñece-las hortalizas. E non vos podedes nin imaxinar a de produtos que dá a horta!!.

Ana foi por tódalas aulas co seu carro cheo de hortalizas. Amosounos unha por unha, díxonos os seus nomes, deixounos tocalas, explicounos as formas que hai de comelas… E claro, algúns non nos resistimos e as probamos.

Había moitísimas: lombarda, apio, porro, cenorias…

Pasámolo moi ben con Ana. Mirade, mirade!!.

A palabra que escolleron as das Meigas para xogar

co léxico,  focha, é

focha s.f. 1. Burato no terreo. A estrada está chea de fochas. SIN. fochanca, foxo.Os rapaces fixeron unha focha para xogar ás bólas. 2. Buratiño que algunhas persoas teñen no queixo ou que se forma nas meixelas ó rir. ¡Que lindas fochiñas ten o meu meniño na súa cariña colorada!

Dúas fochas

A focha máis famosa do cine

Familias:

deixámosvos aquí un enlace para que consultedes

os menús de xantares e merendas

do mes de febreiro:

menú-de-bebes-febreiro,

menú-transición-febreiro,

menú-xeral,

menú-sen-lactosa-febreiro,

menú-sen-ovo-febreiro.

Despois duns días de intento, Dani ( aula de Meigas) xa camiña por todo o cole; aínda lle costa un pouco pero o está a facer moi ben. NORABOA!!

A palabra desta semana é:  focha; e escollérona

as profas das Meigas.

Se sabedes o que é, poñede o significado na

“caixa das palabras” do cole ou

escribide un comentario neste Blog.

A palabra que escolleran as profas dos Unicornios

-charada- ten o seguinte significado:

charada
< fr charade < occit charrado ‘verborrea confusa’
port: charada     cast: charada     ingl: charade     alem: Farce
s f Pasatempo que consiste en adiviñar unha palabra da que se dá o significado e a definición de cada unha das sílabas consideradas como palabras.

Na aula de Fadas estiveron de festa de aniversario. E esta vez por partida dobre, pois Manuel e Mario cumpriron 2 aniños.

Para festexalo sopraron as candeas da súa torta de aniversario, comeron gusanitos, tiraron confeti polo aire…

Ademais, os seus compañeiros fixéronlle unha postal a cada un para que tiveran un recordo dun día tan divertido.

Na “eira dos avós” viven moitos animaliños que nos veron a visitar o noso cole, eran moi blandiños e os había pequenos e moi grandes, gordiños e tamén moi suaves.

Aprendimos os diferentes sons que fan a vaca, cabalo, porco, ovella, galiña, galo, poliños, can, gato…..