XOGANDO CO LÉXICO
Publicado por nigran o 15 de Febreiro do 2010
Esta semana escollen palabra as Fadas.
Ocorréuselle que fose:
BRINCA
Arquivo do 15 de Febreiro do 2010
Publicado por nigran o 15 de Febreiro do 2010
Flores de Entroido.
Publicado por nigran o 15 de Febreiro do 2010
O pasado mércores pola tarde tivemos unha visita moi doce: a nai de Jorge (da aula do Mundo Máxico) viu a facernos flores de entroido!!.
Traía con ela un molde moi fermoso que tiña forma de flor e un pau longo para agarralo.
Logo de deixarnos miralo de preto, púxose a facer a masa. Para elo mesturou unha morea de ingredientes, deulle unhas voltiñas e mollou o molde na mestura. Despois meteu o molde na tixola e…, sorpresa: saían moitísimas burbullas!!.
Como vos estaredes imaxinando estaba todo moi rico. Mirade o ben que degustamos este postre.
Moitas grazas a mamá de Jorge por todo!!.
Obradoiros de postres de Entroido.
Publicado por nigran o 15 de Febreiro do 2010
Ca chegada do Entroido, estes días tivemos obradoiros de sobremesas propias desta época tan festiva.
O luns estivemos axudando á nosa cociñeira Ana a facer orellas de entroido. Por aulas, fixemos a masa: mesturamos os distintos ingredientes, estiramos a masa con roletes ou cas nosas propias mans, démoslle a forma… e cando xa estivo todo ben preparado Ana fritiunas!!.
O martes foi a quenda das filloas. Para ese día Ana tivo axuda e foi a nosa PSX Marisa quen se puxo mans á obra. Observamos coma se mesturaban os ingredientes, axudamos a raiar o limón, peneiramos a fariña…
Pero sen lugar a dúbidas, o mellor destes obradoiros foi: comer os postres!!. Estaba todo tan bo que xa estamos desexando ter obradoiros coma estes outra vez.
