Escola infantil de Nigrán

Na aula de Fadas estamos de noraboa porque dous dos seus nenos xa non usan cueiro.

Moitos parabéns a Anxo e a Hernán polo ben que o están a facer!!.

O martes 16 tivo lugar na nosa escola a festa de entroido coas familias onde os nen@s levaron os disfraces feitos nos anteriores días. No bosque máxico atopámonos con gatiños negros coidados polas Meigas, Dragóns, Fadas, Trasnos e Unicornios. Todos estes seres imaxinarios fixeron a apócema máxica para dar comezo o entroido.

Para iso, o persoal da Escola Infantil de Nigrán escribimos unha pequeniña obra de teatro para pór en escena o noso entroido particular:

O ENTROIDO NO BOSQUE MÁXICO

ESCENA:

O público ao fondo da sala.

No escenario unha pota enriba dunhas achas de leña sen prender.

PRESENTADORA, narra:

Érase unha vez un bosque encantado, cheo de seres máxicos, onde as Meigas coidaban dos seus gatiños negros.

GATIÑOS NEGROS: miañan, e vanse sentando arredor da pota máxica.

PRESENTADORA: segue coa narración:

As Meigas querían facer unha apócema máxica para conxurar o comezo do entroido e non tiñan lume para facer ferver a pota ( pausa). Así que chamaron polos Drágóns que habitaban na cova máis profunda do bosque (sinalando ao lonxe).

DRAGÓNS: entran na sala e sentan. As profas e algúns deles poñen o lume baixo a pota.

PRESENTADORA: narra

As fadas, como son as madriñas de todos os seres que habitan o bosque, quixeron o seu toque máxico á apócema, botando os seus pos máxicos que, como todos ben sabedes, dan felicidade, harmonía, e un chisquiño de picardía (chiscando o ollo ou co xesto de ¡ollo!) para prepararnos para a troula.

FADAS: entran en escea axitando a variña máxica e sentan. As profas e algún deles botan os polvos máxicos na pota.

PRESENTADORA: narra

E falando de troula, aquí chegan os trasnos, co seu espíritu bulrón. Xa sabedes que non hai festa rachada, nin entroido divertido sen as herbas máxicas da troula e da festa, que recolectan estes Trasnos polo bosque e que nos traen para botar á pota.

TRASNOS: entran en escea e sentan. Algún deles e as profas bótanlle á pota as herbas máxicas.

PRESENTADORA: Segue a narrar

Dende os confíns do bosque máxico, chegan galopando os Unicornios, que serán os encargados de espallar esta apócema a todos os que, o día do entroido, habitan neste bosque.

PRESENTADORA:

Agora si que estamos preparados para vivir o entroido!!. Viva o entroido!!.

Despois da nosa actuación, demos un paseo polos arredores da nosa escola acompañados polas familias. Durante o percorrido cantamos unha morea de cancións antes de volver á escola. Pasámolo en grande!!.

A palabra desta semana, brinca, ten os seguintes

significados (que nos facilitan as profas das Fadas):

2brinca
< brincar
port: salto, brincadeira     cast: brinco, broma     ingl: joke, fun, gaiety     alem: Sprung, Satz, Scherz, Witz, Spaß
1 f Acción e efecto de brincar. <!––> 2 f Broma ou burla feita coa intención de divertirse. <!––> SIN: brincadeira, broma.

1brinca   f >>> amocelo  < lat hamen ‘anzol’ + -celo

s m Pequeno gancho metálico, rematado en ángulo agudo, que se sostén por unha tanza e onde se coloca un engado para pescar.

1 nenos brincando                                                            2 brinca do paleolítico