Escola infantil de Nigrán

Nestes días, visitounos a nai de Jorge para elaborar unhas roscas de Pascua. Tivemos que axudarlle a amasar porque ela non podía  facer roscas para tantos nenos.

Como traballamos!!!

Imos darvos a receita porque merece a pena.

Primeiro elaboramos a masa nai, ou fermento, para o que precisaremos:

1/2  k de fariña floxa

250 ml de auga quente ou morna

200 g de levadura de panadaría

Todos estes ingredientes amásanse e póñense a levedar nun lugar cálido.

Ingredientes para a masa da rosca:

2 K de fariña de forza (mércase nas panadarías)

16 ovos ou 1 L de ovo pasteurizado

500 G de manteiga cocida de vaca

500 G de azucre

30 G de sal

150 G de nata líquida

160 G de manteca de porco

esencia de anís e de vainilla (ao gusto)

raiadura de limón

Xeito de facelo:

Amásanse todos os ingredientes até misturalos ben e engádeselle a masa nai.

Unha vez xuntas as masas, procédese a amasar todo moi ben e ponse a levedar unhas tres horas.

Cando a masa levedou (alcanzou case outro tanto do seu volume), fanse as roscas (ou trenzas, se se quere) e déixanse repousar unha media hora antes de metelas ao forno.

O forno deberá estar a 180º C e tardarán en cocerse 20 minutos, aproximadamente.

Ao sacalas do forno déixanse arrefriar un pouquiño e píntanse con ovo batido ou ovo pasteurizado.

Truco: pór no forno un recipiente con auga quente para humedecer o ar e que non se alabarisquen

Todos levamos para a casa unha rosca pequeniña para probar, que boas que estaban!!

Moitas grazas Carmen por ensinarnos a túa sabedoría culinaria na escola.

O venres festexamos o aniversario de Saúl (aula Fadas).

Soprou as dúas candeas con moita forza mentras os seus amiguiños lle cantaban: “Parabéns para ti….”

Tivemos merendola e regalámoslle unha postal moi bonita.  Bailamos moito todos xuntos.

Moitos parabéns!!

Na aula dos Unicornios xa somos moi maiores. Un día de sorpresa visitáronnos  Trancas e Barrancas e leváronnos todas as chupetas;  dixéronnos que dentro de pouco imos a ir ao cole dos maiores e xa no podemos levar a chupeta, coma os bebés na sesta, e  levaron todiños. Agora durmimos sen ela todos contentos e sen chorar.

Este pasado venres tivemos unha gran festa de aniversario na aula dos Trasnos, pois Gabriela cumpriu 3 aniños.

Así que para festexalo por todo o alto; entre todos fixémoslle unha postal. Pintámola con moitas cores distintas para que fora máis bonita aínda e quedounos ben fermosa.

Nunha gran festa de aniversario non podía faltar a torta cas súas candeas. Eran 3 candeas e, soprando moi forte, conseguimos apagalas dunha soa vez!!.

Pasámolo en grande cantando e bailando. Moitos parabéns Gabriela!!.

Que contenta vaise pór a Fada cando vexa o arco da vella tan bonito que puxemos no salón. Comezamos co vermello, onde pegamos cousiñas que nos trouxeron as familias.

Logo, tocounos axudar á Fada a recuperar a cor azul. Así que, nas aulas, fixemos un anaco de arco da vella pintando cas nosas mans en azul.

Despois tocoulle a quenda ó amarelo, onde pegamos anacos de papel de seda desta cor.

E, por último, foi o día do verde. Nese día fixemos o anaquiño de arco da vella con gomets desa cor. Ós máis pequenos da escola deunos un pouco máis de traballo, pero con algo de axuda tamén poidemos botarlle unha man á Fada.

Mirade o bonito que nos quedou o arco da vella!!.

Seguimos coas cores da Fada, só nos falta axudarlle co verde para que  a visitarnos con tódalas súas cores e festexemos con ela a primavera. Como acudimos todos á escola, o venres 26,  vestidos desta cor, a fada mandounos un agasallo como nestes últimos días coas outras cores pero esta vez eran cousas máxicas de cor verde.

A palabra desta semana, ÑÁÑARAS,

que escolleron Lidia e Tania, as das Fadas,

xa está colgada do taboleiro esperando respostas.

Aí vai unha pista:

s f pl A - - go,  alo - m - ño ou  br - ma c o n  que  se  pers - gu - gañar  a   v - nt - de de  alguén.

Coa chegada da primavera fixemos un obradoiro con mel por aulas, tras coñecer a abella facendo diferentes murais, disfrazandonos, cantando cancións…. manipulamos a mel coas mans e nos dimos conta que era moi pegañenta e doce.

Despois de axudar a nosa amiga a Fada das Cores ca cor vermella e ca cor azul, este mércores tivemos que botarlle unha man para recuperar a cor amarela. Así que, vestímonos todos con algo desa cor: había quen traía camisetas amarelas, outros tiñan postos pantalóns desa cor, diademas do pelo e ata había gorras amarelas.

Como estabamos todos tan amareliños e o fixemos tan ben, a Fada das Cores volveu a deixarnos unha sorpresa nas aulas: esta vez era a caixa máxica do amarelo!!.

A palabra que escolleran as profas dos Dragón  é:

retrouso< retrousar

portugués:bordão, estribilho     castelán: estribillo

1
s m Palabra ou expresión que se repite viciosa e frecuentemente ao falar.

2
s m Réplica contra algunha resposta, comentario ou pregunta que utiliza elementos presentes nas mesmas.

3
s m Verso que se repite no final de cada estrofa dunha composición.

Oliñas veñen                                   

oliñas veñen,

oliñas veñen e van…