Escola infantil de Nigrán

A palabra desta semana é:

padiola

e escollérona as Meigas

para que pescudemos un pouquiño

polo dicionario adiante.

Con motivo do día do libro, o 23 de abril estamos a traballar na escola o tema “Había unha vez…” relacionado cos contos. Na aula de Trasnos están a traballar diferentes contos, un deles é “A casiña de chocolate”, tamén coñecido como “Hansel e Gretel”.

Escoitamos o conto moi atentos xa que nel aparecía unha casiña que estaba feita de chocolate e chuches e tamén unha velliña que era unha bruxa mala.

Como nos gustou tanto a casiña, fixemos unha con boliñas de papel de seda de cores, parecían caramelos.

Como o fixemos tan ben, probamos chocolate da nosa casiña máxica que nos trouxeron as nosas profas, chocolate con leite, branco e negro.Que rico!!!

Tamén aprendemos a clasificar “lacasitos” de cores, un por un metiamos o “lacasito” no seu bol correspondente.Había moitas cores: laranxa, verde, azul, vermello, marrón….

E colorín colorado… este conto está rematado.

Como estes días estamos traballando o tema dos contos, na aula de Fadas escollemos un conto chulísimo chamado “A casa redonda”.

Neste conto hai unha nena pequena chamada Wapiti, pero que vive nunha casa diferente: nunha casa completamente redonda!!. Vive nun iglú e está feito con xeo. Qué divertido sería vivir nun iglú!!.

Así que, como nos encanta este conto, as nosas mestras preparáronnos unha sorpresa na aula. Cando entramos había un iglú na clase!!. Como imaxinaredes, pasámolo en grande agochándonos dentro. Mirade, mirade…

Como o iglú de Wapiti é de xeo, nos tamén quixemos comprobar se era tan frío como se dicía no conto. E sí, está moi frío!!. Manipulamos moitos cubitos e un gran bloque cas nosas mans. Botade unha ollada ó ben que o pasamos…

A palabra desta semana é:

carabuña

e vén sendo:

carabuña

port:caroço     cast: cuesco     ingl: stone     alem: Stein s f BOT Corpo frutífero e leñoso dalgunhas plantas, como o endocarpo de froitas do tipo do pexego.

Na aula de Meigas, estamos de noraboa, Alex xa camiña só por toda a escola. Dentro de pouco verémolo correndo dun lado a outro.Noraboa Alex!!!!

Na aula de Fadas tamén nos estamos facendo moi maiores e, por iso, sacamos o cueiro.

Nestes días foi o turno de Mario, de Nina e de Manuel. Van moi contentos ó baño e o están a facer moi ben.

Seguide así nenos!!.

Mario

Nina

Manuel

Na aula dos Trasnos estamos de noraboa porque dúas das nosas nenas deixaron de usar cueiro.

Ademáis, son moi aplicadas e nunca se lles escapou nin unha gotiña. Moi ben pequenas!!.

Esta semana, no corredor do bosque encantado, temos un lugar máxico onde os contos se converten en historias que parecen case realidade.

Xunto coas nosas educadoras, visitamos este lugar cos ollos ben atentos, porque os contos teñen unha chea de imaxes ben fermosas con moitas cores, e as orellas ben abertas para escoitar as palabras que van saíndo e que case as podemos coller; a boca pechada con chave, para non facer ningún ruído e non romper a maxia da historia.

Con todo isto, xa podemos comezar:

“Había unha vez…”

Nestas últimas semanas comezamos co xogo heurístico na escola, cos nenos de Meigas, Dragóns e Fadas ( 1-2 anos).O xogo heurístico é unha actividade de xogo onde os nenos interactúan con diferentes tipos de material. O material que utilizamos nas sesións son obxectos naturais, de pel, metal, papel, madeira, cartón, corcho…evitando os materiais plásticos ou xoguetes convencionais que xa están ao seu alcance  todos os días.

Contémplanse dúas fases:

1ºExploran os materiais e combinan os obxectos.

2ºRecollen os obxectos e os clasifican.

Cada aula  vai un día á semana á aula da sesta de 1-2, xa que é un espazo baleiro onde os nenos/as vánse a atopar só o material que propoñamos. Material como piñas, tapadeiras de metal, bolas, corcho, bolas de lá, cunchas, culleres de pau, rolos de papel, teas….ademais de contenedores de metal.

Co exercicio continuado do xogo, intentaremos conseguir que:

-Fagan unha estructuración do seu pensamento.

- Aumente a súa capacidade de comprensión verbal.

- Concentren a súa atención na actividade.

- Coñezan propiedades dos materiais que manipulan.

- Experimenten sentimentos de éxito e fracaso.

- Valoren o material.

- Acepten e respecten aos seus compañeiros/as.

- Manteñan unha atmósfera de calma.

Este pasado venres un dos pequenos da escola festexou o seu primeiro aniversario, así que por tal motivo houbo unha gran festa na aula de Meigas. O noso Maino fixo un aniño!!.

Pasouno en grande soprando a súa candea; iso sí, axudado polos seus compañeiros. Ademáis, entre todos agasallámoslle cunha fermosa postal. E foi todo moi divertido porque houbo moitos globos de cores e confeti!!.

Moitos parabéns Maino!!.