Escola infantil de Nigrán

O venres celebramos a cerimonia de clausura das nosas Olimpiadas particulares. O noso facho olímpico despediuse de nós ata o próximo ano, non sen antes facelo por tódolo alto ca entrega de medallas a cada un dos participantes das probas deportivas e ca posterior festa.

Houbo confeti, moitísima música, medallas de ouro subindo ó podio, baile… Foi toda unha despedida moi divertida, así que xa estamos desexando volver a participar noutras Olimpiadas porque estes días pasámolo realmente ben. Mirádenos qué guapos estamos cas nosas medallas!!.

Chegou a hora de esforzarnos xa que as olimpiadas xa comezaron. A primeira proba que tivemos que pasar foi a de velocidade. Ao escoitar preparados, listos, xa!!! tiñamos que saír correndo dende a saída ata chegar á meta o máis rápido posible. Antes da carreira tivemos que estirar e quentar con exercicios que nos ensinaron as nosas profes.

Chegou a hora da carreira, estabamos moi nerviosos pero o fixemos moi ben.

Os maiores tamén fixemos carreira coma os caranguexos, para atrás. Ao principio costou un pouco pero logo xa eramos uns profesionais.

O segundo día tivemos a proba da carreira de obstáculos. Un por un fomos pasando a diversidade de dificultades que nos íamos atopando.

O terceiro día tivemos partido de baloncesto, encestamos as pelotas que podiamos nas canastras tan orixinais que nos puxeron as nosas profes.

A palabra desta semana, FAÍSCAS, escollerona as profas de Meigas, deixamos unha pistiña para que poidades deixar o resultado a modo de comentario no blog.

Sabedes xa o que é?

A palabra desta semana, estrullar, que escollera Ana, vén sendo:

estrullar

port: esmagar     cast: estrujar     ingl: to squeeze,to press     alem: zu verdrängen, zu drücken

SIN:	chafar, esmagar, machucar.