PERIODO DE ADAPTACIÓN
Publicado por nigran o 3 de Setembro do 2010
Estes días últimos preséntansenos cheos de novidades.
As crianzas chegamos á Escola con moitas ganas de xogar. Uns xa coñecemos todos os espazos. e os aloumiños das profes non nos son ningunha novidade, mais hai caras novas ao redor de nós.
Outros, pola contra, atopamos todo novo, e o primeiro impulso que temos é correr deica os xoguetes (as motos e os coches do salón están a esperar por nós).
As profes nos tiñan preparadas, para este primeiro día de portas abertas, moitas sorpresas, entre elas un conto e un guiñol que nos tivo un bo rato engailados.
