Escola infantil de Nigrán

Queremos despedirnos xa por este curso; esperamos que o noso blogue fora do voso agrado, e volveremos o curso que vén presentándovos a nova temática, os novos cativos/as e as novas actividades que programamos con moita ilusión.

Grazas por seguirnos e ata o curso que vén!

Outra Romana festexou o seu segundo aniversario; esta vez trátase de Lola, que o pasou de marabilla igual que os seus compañeiros/as.

Vaia festa que montaron estes rapaces!, non faltou de nada: comida, bebida, música, confeti e moita diversión!

Lola, desexámosche que foras moi feliz na festa do teu segundo aniversario.

Este pasado venres os dos Exipcios volven  estar de festexo. Desta volta,Patri festexou cos seus compañeiros os seus tres aniños a festa foi apoteósica xa que nos  queda moi pouquiño para irmos de vacacións.

Moitos parabéns, Patri!!

Comezamos a traballar, estes días, o tema dos contos.

Decidimos comezar manipulando contos diferentes, descubrindo novas texturas e infinidade de imaxes.

Que marabilloso é mergullarse en incribles historias! Mirade!

Os Viquingos Luis, Pablo e Álvaro son uns campións, pois xa van soíños ao baño!

Noraboa: estades a facelo moi ben!

Mirade que contentos están!

PABLO

LUIS

O pasado venres os desta aula festexaron ao grande os tres anos de Enola  a festa foi inmemorable . A música,  o confetti ,  e as lambonadas non faltaron. E por suposto  non podería faltar a xa clásica  piñata que  fai a festa máis especial (se é posible) Moitos parabéns!!

Os dos Exipcios, con pinzas e sabas,  divertíronse moitísimo. Prenderon con suavidade e en harmonia as pinzas da roupa sobre este material tan amorosiño como son as sabas…

A palabra desta semana, ruada, que escollera Tami, vén sendo:

ruada

Coa axuda dos grandísimos profesionais que conforman este equipo, as aulas fomos a plantar leitugas nas nosas macetas. Primeiro collemos terriña, logo fixemos un buraco co noso polgar e, por último, enterramos a raíz da leitugiña, engadimos máis terra, regamos as nosas macetas.

A continuación dispuxémonos a colocalas nun lugar non moi caloroso para que non se secasen. Quedáronnos unhas plantacións preciosas.

Despois, un colaborador de Aula Verde, logo de mostrar como ulían o romeu, o tomiño ou a lavanda, axudoulles a plantar as aromáticas na nosa horta.

PRIMEIRO GRUPO :

SEGUNDO GRUPO :

Os dos Celtas palmearon coas mans sobre recipientes de metal como se estivesen nunha pandeirada; pero, no canto de empregar latas, empregaron os pratos dunhas  unha friameiras campestres de moitas cores.

Os Trogloditas tamén se convertiron nuns grandes percusionistas, e batían nas latas con moito entusiasmo: