Escola infantil de Nigrán

Con motivo do día das Letras Galegas, quixemos, este ano, empaparnos do refraneiro galego. Para iso propuxemos ás nosas familias que escribiran os refráns galegos  que coñeceran. Unha vez máis queremos darvos as grazas pola vosa colaboración.

O venres, os refráns, as cantigas o baile, a festa e mais un montón de confetti sorprendeunos polo aire e fascinounos; tamén o bo ambiente que se respiraba no salón, pois este ano tocaba lembrar á figura de Valentín Paz Andrade, a quen dedicamos este ano o día das Letras Galegas.

O pasado xoves, tivemos a gran sorte de que a tía de Uxía Otero, que traballa nunha froitería, xunto coa súa irmá, viñeran a explicarnos dunha maneira moi especial que podemos atopar neste tipo de establecementos.

Primeiro, miramos un conto moi divertido sobre as diferentes froitas e verduras que podemos atopar nunha froitería; e puidemos observar estas imaxes reflectidas cun proxector.

E por último, trouxeron froitas e verduras de verdade, que puidemos observar e manipular.

Moitas grazas Rosana e Belén pola vosa colaboración, unha vez máis; pasámolo de marabilla!

Chegou o día no que coñecemos o oficio dos bombeiros, que nos encanta. Dende pequeniños queremos xogar co coche que eles empregan e escoitar a súa sirena que serve para indicar que teñen moita presa, pois alguén está en perigo e precisa da súa axuda.

Esta é unha profesión de moita coraxe e que conleva moito risco, porque os bombeiros se enfrentan ao lume. Para isto teñen ir moi ben equipados, con casco e botas de protección para non sufrir ningún percance.

E para que nos quedaran claros todos estes conceptos, a visita do tío de Pablo e Guille, da aula dos Celtas, viunos que nin pintada, e ademais puidemos pór o casco e as pesadas botas que tanto nos gustan.

Botade unha ollada!

Todo o cole quedou espectante ante a chegada da nai de Bruno, que viña provista de moitas xoias.

Os colares, os aneis ou pulseiras de todo tipo, foinas quitando unha a unha, explicando as  propiedades e características dalgunhas pedras preciosas e semipreciosas coma: o rubí, a esmeralda, o zafiro, os diamantes, ágata ou xade.

Fíxosenos moi doado coñecer as xoias coas explicacións desta mamá, que se apoiou en fotos que amosaban a beleza das pedras preciosas; e algunhas delas ata as puxemos!!

Estabamos encantados de sentirnos tan elegantes!

Moitísimas grazas Blanca pola túa colaboración!

Os focos, as cámaras, as luces, o ambiente… un sopro de aire e moitos efectos especiais fixeron que, tanto profas coma nenos, non se resisistiran a posar diante do obxectivo das cámaras dos papás de Vera. Eles explicáronnos como se captura unha fermosa imaxe, xa sexa paisaxística, de persoas ou de animais; e todo unido con diferentes efectos especiais de imaxen e son poden transformar unha simple imaxe, que se transforma noutra máis grande ou máis pequena, con máis cor ou menos segundo a intensidade que se lle dea ou, incluso, podemos disimular as liñas de expresións.

Todo un mundo moi divertido ao que nos achegamos este do traballo dos pais de Vera.

Aínda que vivimos moi pretiño do mar e nos gustan os percebes, non sabemos moi ben como se extraen do mar. Por iso, o pai de Brezo, viu a explicarnos en que consiste a súa profesión, a de percebeiro.

Explicounos, con luxo de detalles, a perigosidade desta pesca, a vestimenta de neopreno para protexernos do frío, os útiles do oficio - unha raspa para coller os percebes e a saqueta para gardalos-.

A través de imaxes,  quedounos todo moi clariño. Moitas grazas  Miguel polas explicacións tan gráficas que nos deches.

Deixamos aquí o enlace ao vídeo no que sae o pai de Brezo:

http://www.youtube.com/watch?v=vpOByEggdg4&feature=related

A palabra desta semana, pouta, escollérona as profes dos exipcios, Tamara e Bárbara.

Podedes participar na resolución do xogo do xeito habitual: ou cun comentario a esta anotación ou cun escrito que podedes deixar na Caixa das Palabras.

Unha vez que coñecimos a pasta crúa, tocounos coñecer a pasta cocida.

Así está moito máis brandiña, e cantos tipos diferentes hai!

O que nunca imaxinamos, é que a pasta pode ser de cor vermella ou verde!

As nosas profas ensináronnos as diferentes pastas, e despois de entonar a cantiga do “Tallarín”, pasamos a manipular e probar a pasta.

A verdade que foi unha experiencia que gozamos ao máximo. Convidámosvos a que botedes unha ollada.

Como sabedes, encántanos manipular diferentes materiais, e desta volta tocou coñecer diferentes tipos de pasta: os lazos, as hélices, os spaguetti, os macarróns, tanto os brancos como os de cores variados.

Logo de coñecela o e manipulala, trasvasámola con diversa menaxe de cociña.

Aquí vos deixamos unha mostra da experiencia:

TROGLODITAS

ROMANOS

CELTAS

EXIPCIOS

EXPLORADORES

Chegou o gran día do obradoiro de chocolate!, encántanos degustalo e, aínda que nos enzoufemos ata un grao indescriptible e manchemos todo o que atopamos ao redor, gozamos ao máximo con semellante manxar.

Primeiro, as profas, ensináronnos o chocolate en onzas, tanto de cor branca coma negra e explicáronnos que podiamos derretelo con moito caloriño na cociña.

Despois, miramos como se volveu líquido; e xa nos encamiñamos para metérmonos mans á obra. Degústamolo, manipulámolo, fixemos trasvases dunhas cuncas a outras, e incluso pintamos con el!

Mirade que experiencia máis marabillosa!

Nenos/as de 0-2 anos:

Nenos/as de 2-3 anos:

Aula da tarde (0-2):