Escola infantil de Nigrán

Seguimos a traballar no arco da vella, pouco a pouco avanzamos na nosa empresa, e cada día que pasa o arco é maior e a “Fada das Cores“ está moito máis contenta.

A medida que avanzamos, a bruxa malvada que roubou as cores da primavera, vai perdendo forza e nós cada vez estamos máis fortes.

Neste caso tocounos recuperar a COR AMARELA, que tinxe moitas flores, o sol, o trigo,… e para elo pegamos gomets de cor amarela no anaco do arco da vella!!

BECHIÑOS DA TADE

XOANIÑAS

ABELLAS

FORMIGAS

BOLBORETAS (eles tamén seguen a decorar a bolboreta da primavera)

O RESULTADO!

A Fada das Cores segue recompensándonos. Viñemos todos á escola con algo azul e ela enviounos a CAIXA MÁXICA DO AZUL, chea dunha morea de cousas sorprendentes coas que puidemos xogar!

SALTÓNS

FORMIGAS

BOLBORETAS

XOANIÑAS

ABELLAS

BECHIÑOS DA TARDE

Para festexar o día do libro, os nenos e nenas da escola están a fabricar uns marcapáxinas coa intención de intercambialos despois por contos para a súa biblioteca.

Será unha actividade voluntaria a traves do troco!!

Todos os cativos e cativas da escola colaboramos na elaboración duns marcapáxinas e cada papá, mamá ou calquera familiar que queira escoller un deles traeranos un conto  para a nosa biblioteca.

Hai tres anos xa levamos a cabo esta actividade co propósito de poder ter na nosa escola un  recuncho de biblioteca, e deu moi bo resultado; agora, dado que a biblioteca funciona moi ben pero hai moitos contos estragados ( debido ao uso) precisamos a vosa colaboración para renovarnos!

Observade como leen e ollan os libros

OLLADE COMO TRABALLAMOS!!

BOLBORETAS

Os maiores estampamos con esponxas unhas plantillas en forma de bolboretas… e saímos ao patio a recoller flores para poñelas a secar!!

As abellas estiveron a estampar flores de primavera con esponxas

As FORMIGAS, primeiro, pintaron con rotuladores de diversas cores e despois saíron ao patio a recoller flores da primavera para secalas e decorar os seus marcapáxinas!

Os bechiños da tarde primeiro pintamos cada un o seu bechiño correspondente e despois estivemos a pintar de varias cores o fondo do noso marcapáxinas.

As xoaniñas pola súa parte estiveron a estampar con esponxas e témpera de cor verde, coa que as profes máis tarde elaboraron unhas bonitas follas.

Lembrade que o donativo tamén pode ser de libros que xa tedes na casa; non é necesario que merquedes ningún!! E moitas grazas a todos e a todas por axudarnos a manter un espazo tan importante para os cativos desta escola!: A BIBLIOTECA!

Na escola comezamos con moitas forzas a nosa tarefa de axudar á Fada das Cores… O martes 16 todos viñemos vestidos coa cor vermella para achegarlle a forza do vermello á Fada… Ela, que sempre cumpre as súas promesas, recompensounos coa  CAIXA MÁXICA DO VERMELLO!!!

Dentro da caixa atopamos todo tipo de obxectos vermellos cos que puidemos xogar e incluso disfrazarnos!!

SALTÓNS

XOANIÑAS

ABELLAS

FORMIGAS

BOLBORETAS

BECHIÑOS DA TARDE

Nesta ocasión visitounos o padrasto de Gorka, Roberto, que traballa no exército, é militar!

Explicounos moitísimas cousas, e falounos da importancia que ten ter amigos en cada lugar do mundo. El garda moitos recordos de países nos que estivo traballando e tamén dos amigos que se foi atopando o longo da súa vida.

Trouxo á escola moitas cousas que emprega no seu traballo. Diferentes uniformes (con todos os seus complementos), mochilas, compás, gorros, saco de durmir, cantimplora, costureiro, pintura para sinalizar perigos…amosounos moitísimas cousas!

…incluso nos deixou probar unha medalla moi importante para o seu traballo…a medalla que o identifica co seu nome, grupo sanguíneo e alerxias!

Ao día seguinte de preparar as masas das pizzas fomos todos para o salón e alí, a profe Lidia, fíxonos unha pequena demostración de como cada crianza podía montar a súa pizza…

…e logo foron os nenos e nenas quen nos mostraron as súas dotes de cociñeiros, montándoas cos diferentes ingredientes: queixo, tomate, xamón, champiñóns e ourego.

Tras pintar as pizzas co tomate… cada crianza utilizou os ingradientes que creeu necesarios.

Unha vez rematadas foron ao forno e  levámolas para a casa…

…pero, antes diso, estivemos comendo da que preparou a profe Lidia.

Estaba de vicio!!!

Por outra parte, os pequechos e pequechas do cole tiveron o seu propio obradoiro. Coa axuda das profes, crearon unhas bonitas pizzas.

Os distintos grupos da escola estiveron a xogar e experimentar con fariña. A idea deste obradoiro parte do feito que os nenos e nenas deben coñecer o material e estar familiarizados coas texturas, sabores, etc. dos distintos materiais que se ían  usar nos seguintes obradoiros, como o da masa de pizza.  Tratábase, ademais, de manipular e coñecer as características da fariña, de que se familiarizaran con ela e non lles resultase estraña.

As Xoaniñas e as Abellas realizaron xuntas a actividade. Observade que ben o pasaron!

Os bechiños da tarde realizaron a actividade en cueiro, podendo sentir co corpo a suavidade da fariña e ver como  eles mesmoscambiaban de cor, volvéndose brancos branquísimos.

Os bebés da escola, OS SALTÓNS, manipularon a fariña coas súas mans…

As FORMIGAS desfrutaron cociñando fariña mesturada con garavanzos, lentellas e espaguettis…

As BOLBORETAS traballaron a psicomotricidade fina e o tacto da fariñña nas súas mans, escollendo garavanzos e lentellas entre a fariña e meténdoos en botellas…

O tema dos cociñeiros está a piques de rematar e o último gran menú que imos preparar vai ser PIZZA!!

O primeiro que temos que facer é… A MASA DA PIZZA! Mesturamos auga, lévedo, sal e fariña e amasamos moito… despois estendemos cos rolos, picamos a masa cuns garfos e, por último, pintamos as masa cun pouquiño de tomate… depois disto: a cocer…E o día seguinte remataremos as pizzas co recheo!!

SALTÓNS

XOANIÑAS E ABELLAS

FORMIGAS

BOLBORETAS

BECHIÑOS DA TARDE

Despois de traballar coa pasta crúa nas aulas, as profas programamos  un obradoiro de pasta cocida no salón… Neste obradoiro participaron todos os cativos, dende os máis pequeniños ata os máis maiores! Todos desfrutaron moito coa actividade!

Primeiro, as profas Tamara e Tami, mostráronnos os tipos de pasta que alí tíñamos… incluso había pasta de cores moi raras…

Despois, as profas Sisi, Olalla e Marián cantaron a canción do “Tallarín”

e, finalmente, a  manipular e degustar a pasta! Incluso cos pés!

Os bechiños da tarde tamén tiveron a súa propia sesión, na que xogaron, comeron, tiraron,…

Unha vez que experimentamos coa xelatina en po, despois de esperar un día enteiro, chegou o gran momento…

A xelatina do día anterior tornou ao estado ao que estamos máis acostumados a ver. Os nenos e nenas estiveron a manipular, probar, xogar,… en definitiva a experimentar con xelatina xa elaborada.

Ao principio  custóulles un pouco, xa que esta era brandiña e húmida, pero unha vez que se acostumaron todo foi moito máis fácil. Probaron a cortala, aplastala, metela na boca e comprobar que era de sabores, untala pola cara e, incluso, o pelo…

En definitiva, como case sempre, unha vez decididos a experimentar,  pasárono en grande descubrindo eses “grandes misterios” que parece gardar o mundo que os rodea.

SALTÓNS

XOANIÑAS

ABELLAS

FORMIGAS E BOLBORETAS

…asi foi como quedaron os animaliños de xoguete “capturados” na xelatina neutra!