Escola infantil de Nigrán

ANIMAIS DA GRANXA

nigran — Thu, 16 May 2013 19:04:26 +0000

Estamos a traballar a granxa e todos os animaliños que alí viven… E como nos gustan moito as actividades pĺásticas todos e todas decoramos porquiños, vacas, ovellas….

Os SALTÓNS fixéronlle as manchas á vaca coa pegada das súas mans…

As XOANIÑAS pintaron un porco e pegáronlle algodón á ovella…

As ABELLAS tamén sentiron a suavidade do algodón antes de pegarllo á ovella…

As FORMIGAS pintaron de branco para facer unha vaca e despois pegáronlle papeliños negros nas manchas do seu corpo…

As BOLBORETAS escoitaron moi atentos o conto “Os tres porquiños” e “A porquiña Clea”

…e fixeron o porquiño por toda a aula…

…pintaron con rodillos e pinceis o mural dos porquiños

… pintáronlle a barro os porquiños con esponxas

Os BECHIÑOS DA TARDE tamén pintaron un porquiño e pegáronlle la á ovella…

Día da Familia

nigran — Wed, 15 May 2013 19:42:45 +0000

Para celebrar o Día da Familia convidamos a nenos e nenas, papás, mamás, avós e avoas… e fomos á praia a pasalo moi ben. O aforo permitía poder contar con todos os que quixeran ir.
O día estaba un pouco fresquiño pero… había calor humano e ganas de pasalo ben.

XOGUETES DE ANIMAIS DA GRANXA!

nigran — Wed, 15 May 2013 06:45:54 +0000

Os cativos da aula de Bolboretas tiveron a oportunidade de traer á escola algúns dos seus xoguetes… peluches e xoguetes de animailiños da granxa!!

O primeiro que fixeron foi presentarllos aos seus amiguiños…

…e despois tocou compartir os nosos xoguetes con todos os compañeiros; a algúns costounos un pouquiño pero as profas fóronnos convencendo do importante que é compartir para que tamén compartan connosco…

Os SALTÖNS xogaron e manipularon xoguetes de animaliños da granxa!

UNHA VISITA MOI ESPECIAL…

nigran — Mon, 13 May 2013 06:30:22 +0000

Comezamos a traballar o tema “A eira dos avós” e nel descubriremos un montón de sorpresas… Para comezar, os cativos de Formigas e de Bolboretas desfrutaron dunha visita moi especial… BUBLÉ!! SABEDES QUEN É BUBLÉ?? Un animaliño da granxa… UN COELLO!!

Os nenos e nenas tiveron a oportunidade de tocar o pelo súave do coello, mirarlle os dentes, acariñalo, tocarlle as orellas… incluso intentaron darlle de comer, pero Bublé non tiña fame!

As profas explicámoslles os cativos que tiñan que tratar con moito moito coidado o coelliño, e que era moi IMPORTANTE FALAR BAIXIÑO E NON BERRAR porque senón o coello íase por moi nervioso e tiña que marchar….portáronse todos e todas moi ben!!

MOITAS GRAZAS A SORAYA, A IRMÁ DE MARIÁN, POR TRAER Á NOSA ESCOLA A SÚA MASCOTA BUBLÉ!!

UNAI XA CAMIÑA!!

nigran — Mon, 13 May 2013 06:29:58 +0000

Unai é outro SALTÓN que xa desfruta da vida dende outra perspectiva… sabedes por que?? PORQUE SE SOLTOU A CAMIÑAR!!

MOITOS PARABÉNS POR ESTE GRAN LOGRO, UNAI!!

XOGANDO CO LÉXICO

nigran — Fri, 10 May 2013 13:55:41 +0000

A palabra desta semana, lupanda, que escollera Sisi, a de Bolboretas, vén sendo:

lupanda

cast: cuchipanda, comilona ingl: feed fran: nourrir ital: alimentare chin: 喂养 alem: füttern

s f Comida moi abundante.

s f Festa grande e con moito barullo na que se adoita comer e beber moito.

CFR:

banquete, enchente, enchedela, pándega, esmorga, troula.

Grazas, Sisi, por agasallarnos co teu bo facer tanto no blog como nas aulas. Tampouco nos esquecemos dos outros momentos que compartiche connosco no xantar, nas xuntanzas de equipo…

Non dubidamos atoparte en breve noutra escola da Rede. Xa sería demasiada sorte para nós que volveses a Nigrán!

3ºANIVERSARIO DE ELENA, LUIS E PABLO!!

nigran — Fri, 10 May 2013 06:42:35 +0000

Gran festa na aula das Bolboretas!!Tres cativos de aniversario: Pablo, Luis e Elena xa teñen tres aniños!!

Ás Bolboretas encántanlles as festas de aniversario e estes tres cativos levan meses desexando festexar os seus tres aniños!!

Non faltou de nada…coroas, tarta, tres candeas, música, confetti e moitas ganas de pasalo moi ben!!!

MOITOS PARABÉNS!!

OS BECHIÑOS

nigran — Fri, 10 May 2013 06:42:17 +0000

Coa chegada da primavera e das flores, herbas, calor… tamén chegan os diferentes bechiños que hai na natureza, de maneira que cada unha das aulas da escola decidiu pintar o bechiño que os representa.

Deste xeito, na aula das xoaniñas coma o seu nome di, pintaron unha xoaniña de cor vermella.

Na aula das abellas pintaron unha abelliña que logo retocaron un pouco as profes.

Os SALTÓNS pintaron con pintura de dedos verde e despois as súas profas debuxaron un saltón!

As FORMIGAS pintaron con ceras unha formiguiña de cor negra!!

Como xa sabedes, as BOLBORETAS foron traballando na decoración da bolboreta ao mesmo tempo que decoraban o anaco do arco da vella; e este foi o resultado…

SAMU SEN CUEIRO

nigran — Fri, 10 May 2013 06:41:49 +0000

Samu está levando moi ben o control de esfínteres!!

PARABÉNS PEQUECHO!!!

AS FLORES DOS SALTÓNS

nigran — Mon, 06 May 2013 14:11:22 +0000

Os bebés da escola fixeron flores para decorar a súa aula!! Sabedes como? estampando o cú dunha botella mollado en pintura de dedos !! este foi o resultado…