Amarelo, amarelo….

Publicado por nigran o 1 de Abril do 2011

O noso Arco da Vella xa ten unha cor máis.

Nesta ocasión, os nenos e nenas do cole, pegaron gomets para crear a franxa amarela. Foi moi difícil, xa que requeriu moita coordinación oculo-manual e, nalgúns casos, as profes tiveron que axudar un pouco.

Está a quedar precioso!!

Etiquetas:
Publicado en Aniversarios | Sen comentarios »

A caixa máxica do amarelo.

Publicado por nigran o 29 de Marzo do 2010

Despois de axudar a nosa amiga a Fada das Cores ca cor vermella e ca cor azul, este mércores tivemos que botarlle unha man para recuperar a cor amarela. Así que, vestímonos todos con algo desa cor: había quen traía camisetas amarelas, outros tiñan postos pantalóns desa cor, diademas do pelo e ata había gorras amarelas.

Como estabamos todos tan amareliños e o fixemos tan ben, a Fada das Cores volveu a deixarnos unha sorpresa nas aulas: esta vez era a caixa máxica do amarelo!!.

Etiquetas:
Publicado en Aniversarios | Sen comentarios »

FADA DAS CORES

Publicado por nigran o 17 de Marzo do 2010

Estes días estivo de visita pola nosa escola a Fada das Cores. Estaba moi preocupada porque quedara completamente branca e quería recuperar a súas cores.

Escribiunos unha carta moi interesante, na que nos convida a axudala a recuperar as súas cores marabillosas.

Se queredes consultala, premede na sequinte ligazón:

Carta da Fada das Cores

Etiquetas: , , , , ,
Publicado en Aniversarios | 2 comentarios »