Escola infantil de Nigrán

Xa hai case un mes que comezamos a estación  outonal pero é agora cando os cativos  comezan a darse conta dos cambios climatolóxicos.

Tivemos que gardar as sandalias, os bañadores  e os pantalóns curtos xa que chegou o frío, a choiva e o vento; e para axeitar a decoración da nosa escola, as profes  puxéronnos a traballar.

OS SALTÓNS pintamos con pintura de dedos cada un unha folla de outono.

AS FORMIGAS pegaron gomets nuns debuxiños de follas e pintaron coas cores do outono unhas grades follas secas.

AS BOLBORETAS tamén pintaron coas cores do outono no debuxo dunhas follas; pero eles non pintaron con pintura de dedos senón con ceras e, despois, pegáronlles gomets de cor amarela. Imos empregar estas follas para decorar  a árbore que temos na aula!

As ABELLAS estampamos con esponxas as cores do outono nun mural para decorar a aula; e coas nosas mans pintamos unha árbore sen follas, porque no outono moitas árbores perden a súa vestimenta.

E nós, os Bechiños da tarde, tamén pintamos as follas do outono, pero antes diso estivemos manipulando algunhas follas que trouxeron as mestras.

A palabra que escolleron as profes dos Dragóns é: cogomelo
< lat *cucumellu, dim decucŭma ‘vaso de cociña’
s m MICOL Aparato esporífero dos fungos da subdivisión basidiomicotina e dalgunhas especies da subdivisión ascomicotina, que está constituído por unha estrutura de hifas dicarióticas que conforman un corpo frutífero, en que se distingue unha parte basal alongada, denominada pé, que sostén outra máis grosa, que recibe o nome de chapeu, en que se sitúa o himenio que produce as esporas. SIN: chouparro, cogorda, cogordo.

En Unicornios, coa chegada do outono, saímos ao noso patio para coller as follas das  árbores, que estaban no chan.

Despois de recoller moitísimas follas, entramos na aula e  estampámolas con témpera amarela, e nos quedaron uns preciosos cadros coas cores do outono.

As follas que nos sobraron,  colocámolas a nosa árbore espida.

E así de outonal quedou a nosa aula.

Na escola de Nigrán chegaron as pingueiras de auga, por iso sacamos o paraugas e o pasamos moi ben pisando os charcos de auga e barro que encontramos. Ollade as Meigas que ben o pasan.

Logo fixemos o noso paraugas particular.

Tocou a hora de pisar os charcos. Preparados ,listos, xa!

TRASNOS fixo un bonito mural con landras e as cores do outono. Traballamos moito a pinza inferior, porque non e moi doado colle-las xa que son pequerrechas.