Escola infantil de Nigrán

Os nenos e nenas da aula de Mercurio pintaron un precioso Papá Noël para decorar o seu espazo. Ademais de pasalo estupendamente, traballar coa cor vermella e manipular a suave textura do algodón, agora non haberá dúbida de quen nos trae os agasallos este Nadal.

Por sorte, na Escola Infantil de Nigrán, os papás e as mamás das nosas crianzas son moi participativas.

Nesta ocasión o papá de Andrea, da aula de Marte, axudounos a decorar unha fiestra con motivos  invernais e, de paso, demostrou as súas dotes de artista cos pinceis.

Moitas grazas, Celso, polo teu esforzo, e moitos parabéns por ese precioso debuxo!!

Aínda que este inverno xa deixou moita neve por toda a nosa terra, en Nigrán non tivemos a sorte de vela, así que os nenos e nenas da aula de Mercurio, pintaron as súas propias folerpas para adornar o cole.

Que invernal!!

Os nenos e nenas de Saturno, aproveitando que a  calefacción do cole dá moito caloriño, espíronse para pintar roupa de inverno. Eles o pasaron de marabilla e, ao final, fixeron unhas luvas e un gorro preciosos.

Menudos artistas!!

Os nenos e nenas de Venus tamén se preparan para o frío. Primeiro visten a árbore da súa clase con folerpas de neve, e logo vístense eles con roupa de inverno, ah!! e pintan un gorro azul xigante para abrigarse todos.

Así non pasades nada de frío!!

No Mundo Máxico (unidade da tarde) buscamos calquera momento para traballar a motricidade fina e grosa da maneira que máis nos gusta: pintando; coas mans ou con pincel, con témpera ou con auga, todo nos vale mentras sexa divertido.