Escola infantil de Nigrán

O pasado xoves, os máis pequenos da escola participaron no obradoiro dos sentidos, así que, despois de ensinarlles todos os recunchos en que estaban organizados os obradoiros, comezaron polo sentido da vista. Xogaron con papel charón e viron que, a través del, as cousas cambiaban de cor, ao igual que as botellas de cores.

O seguinte era o recuncho do tacto, onde manipularon diferentes texturas.

Ao seu lado estaba o recuncho do oído, onde experimentaron con diferentes sons. Tiñan moitos instrumentos onde elexir: maracas, pau da choiva, platillos…

Despois de rematar pasaron ao do gusto, onde puderon saborear diferentes froitas, acedas e doces, tamén probaron mel, azucre , colacao …

E por último o do olfato, onde uliron moitas plantas aromáticas. Que sorte que case todas ulían ben!!!

Pasárono moi ben sentido escoitando, ulindo e saboreando!

Se non… mirade as súas caras!

O sentido do gusto é moi importante, por iso na clase de Trasnos quixemos saber as sensacións gustativas que pode haber. Probamos limón, laranxa, chocolate, sal, azucre, iogur…

O chocolate estaba para chuparse os dedos, foi o que máis éxito tivo, pero o limón aínda que pareza mentira, non se quedaba atrás. Moi valentes estes nen@s.

Na aula das Meigas, traballamos toda a semana, intensamente, os nosos sentidos: tacto, vista, olfato, gusto e oído.

-Tocamos coas nosas mans un panel táctil con diversas texturas.

-Escoitamos os sons de diferentes instrumentos musicais.

-Ulimos infusións, especias, colonias,…algúns non gustaban nada e outros sí.

-Probamos e diferenciamos que o sabor do zume de limón non e igual co de laranxa.