Xa estamos preparados para comezar cos adornos do Nadal: con trozos de remolacha imos a colorear unhas campás e ademais non nos resistimos a probalas:

Para que nos quedasen máis bonitas collemos un pincel e pintámolas con purpurina…

Para seguir ambientando a escola, as profes axudáronnos a estampar, en debuxos de caixiñas as nosas mans emborruntadas de diferentes cores e así nos foron quedando, verdade que están orixinais?

Para que quede constancia do noso 1º Nadal aquí vos vai unha postal coa nosa firma particular:

Fai aínda uns días que comezamos o curso na aula dos inuits e xa estamos de celebración, e non un festexo calquera, se non que se estaba a tratar do 3º aniversario da nosa compañeira Sabela, a cal quixo desfrutar rodeada de tódolos seus compañeiros/as dun día tan especial.

Para tal ocasión enchemos a aula de instrumentos e fixémonos pasar por uns grandes músicos dunha fantástica banda, onde non faltaban nin as padeiretas, axóuxeres, maracas, caixas…. E ata unha trompeta!!!

Despois do primeiro pase entrounos a fame e nada mellor que uns apetitosos “gusanitos” e un refrescante zume de mazá, para logo continuar coa festa bailando e xogando cuns esbaradizos globos de cores.

¡¡¡ Moitísimos Parabéns Sabela !!!

Se fai uns días estivo de aniversario Santi dos Xilófonos, agora tócalle o turno a Saray e a Hugo. Acompañados polos seus compañeiros festexaron o seu segundo aniversario tomando uns deliciosos batidos de froitas que eles mesmos prepararon. Antes de poñerse máns á licuadora, recibiron como agasallo unhas lindas postais e unhas coroas cofeccionadas polos seus compañeiros días antes.

Logo desto, xa podiamos dirixirnos ó comedor co doce traballo que nos agardaba. Primeiro pelamos a froita (coa axuda das profes) para así, poder ir meténdoa na licuadora e facer o delicioso zume. Despois de decorar os vasos con azucre e unhas divertidas palliñas, enchémolos e… que rico estaba!!!

E, pensabades que todo remataba aquí? pois non. Coma en todo aniversario que se precie, neste tamén tivo lugar o ansiado momento de soprar as velas que estaban postas na deliciosa torta de chocolate que trouxo a mamá de Saray; moitas grazas!!!

Xa para rematar, puxemos música e Hugo e Saray agasallaron ós seus convidados.

O pasado día 24 de xaneiro tivo lugar na nosa aula unha gran festa na honra de Damián, o cativo que ese mesmo día cumpría o seu primeiro aniño.

Para tal ocasión, os seus convidados quixeron outorgarlle a modo de recordo unha fermosa coroa e unha simpática postal que todos eles elaboraron con todo o agarimo.

A celebración contou con todos os detalles posibles e non houbo ningún momento de aburrimento ou bocexo.

Cando xa todos estaban presentes, iniciouse o acto coa manipulación e degustación de xelatina de sabores, coa cal poidemos descubrir novas texturas e novos sabores.

Para rematar, o homenaxeado dispúxose a soprar a vela da súa torta e pensar ese desexo que todos agardamos que se cumpra, a vez que agasallou os seus convidados cuns preciosos regaliños e uns apetitosos gusanitos.

Na aula do Carrabouxo xa temos dous nenos máis camiñando pola escola.

Trátase de Iago e Lucas, ahí tendes unha pequena mostra.

Con eles xa somos 5 carrabouxiños nesta nova andaina.

Parabéns aos dous!!

Ao igual que os maiores, os carrabouxos teñen que madrugar tódalas mañás para non chegar tarde a súa xornada laboral.

Cando chegan xa os están esperando os encaixables, os bonecos… para así ir esperando ao resto dos compañeiros/as máis dormilóns.

Despois deste duro inicio, aseámonos un pouco e facemos un merecido descanso para tomar un aperitivo de media mañá para así coller forzas para o traballo de aula, que como xa tendes comprobado, uns días toca pintura de dedos, outros pintar con alimentos e incluso xa facemos moitisima psicomotricidade para coidar os nosos esbeltos corpiños.

A continuación, cada un senta na súa ” super trona” e… comeza o xantar!!, momento no que xa nos relaxamos e comezamos a caer nos brazos de Morfeo pouco a pouco.

Pero… non vós vaiades a pensar que nós somos coma os funcionarios, non non, aquí tamén se traballa de tarde e para elo aquí están os peregrinos, que despois de unha boa sesta chegan coas pilas cargadas para todo o traballo que lles espera.

Primeiro disfrutan dos xoguetes, cesto dos tesouros… mentras van chegando todos/as para así seguir coa ansiada merenda, o aseo e como non o traballo de aula, no que se intenta seguir co empezado polos carrabouxos.

E para rematar o día pasamos polo cambiador para poñernos ben guapos para cando nos veñan recoller o final da xornada.

O pasado es de marzo, na aula dos camiñantes máis pequerrechos estiveron de despedida, xa que o noso peregrino Breixo emprendeu camiño para outra escola infantil despois de estar uns meses connosco.

Para despedirse del fixeron unha gran festa na que non faltou de nada. Para comeza dicidíronse a experimentar e explorar a sensación que lles ofrece a técnica de pintar con iogur, polo que as súas profes puxeron papel continuo e eles encargáronse de decoralo, ainda que teñen que recoñecer que a experiencia non foi tan agradable coma tiñan pensado xa que de todos a que máis disfrutou foi a súa compañeira Sara, que xa se encargou de embadurnarse ela por todos eles.

E coma en toda celebración que se precie non podían faltar ……….. OS GUSANITOS!!!! Polo que despois de asearse e limpar a clase puxéronse morados dese aperitivo que tanto lles gusta e o que ninguén lle fai ascos.

Aquí tendes o moito que traballaron todos os nenos e nenas da escola para agasallar os seus papis polo seu día.

Día do pai

Co motivo da celebración do día da Prensa, na semana do 8 ao 12 de marzo na escola realizáronse varias actividades.

En primeiro lugar no centro realizáronse 2 kioskos, a continuación pediuse a colaboración das familias para que nos achegaran diferentes revistas e periódicos, que se expuxeron nos kioskos estando ao alcance dos nenos e nenas.

Os máis pequenos/as da escola disfrutaron manipulando, observando, rasgando, facendo choiva de papeis cas diferentes publicacións.

As crianzas das aulas da castañeira, leiteira e afiador, deron renda solta a súa imaxinación inventando as suas propias historias vendo as imaxes impresas  nos momentos nos que acudian ao kiosko a buscar un intre de relaxación.

Durante o mes de marzo, na aula dos camiñantes traballouse a reo para dar a benvida a tan esperada primavera, polo que puxémonos máns a obra e comezamos a dar forma os nosos traballos.

Antes de comezar tivemos que conseguir os materiais necesarios polo que nos diriximos a despensa da cociña e…………….. unha bolsiña de sopa, outra de fariña, uns poucos garavanzos, lentellas, pasta, azucre, pan fresco, pan rallado…

Agora que xa tiñamos todo o necesario xa podíamos comezar a elaborar a nosa preciosa “flor”, polo que cada un de nós foi cubrindo o centro e os diferentes pétalos da flor.

O rematar démonos conta que a nosa flor faltáballe algo máis para que quedara ben fermosa, polo que fixemos un gran círculo en cartón e cubrímolo de millo para facer un chamativo sol.

Coma aínda non quedábamos conformes co noso resultado pedímoslles os camiñantes máis peques que nos axudaran a decorar o mural, polo que sen máis demora colleron unas poucas pinturas de cores e algún bote de pintura de dedos e……. que fermosas quedaron esas bolboretas e abellas!!!!