Arquivos da categoría ‘Maio’
Escrito por barrocas, o 22 Xuño 2011 08:46
Ó longo do mes de maio, os nenos e nenas da escola estivemos traballando a reo no tema dos oficios. Fomos dende policías ata médicos pasando por alfareiros, bombeiros, técnicos de ambulancia, gaiteiros… Coñecemos un montón deles e así ímonos facendo a idea do que queremos ser de maiores.
Dende aquí, moitas grazas a tódolos profesionais que nos prestaron a súa colaboración.
Os Oficios 0-2
Os Oficios 2-3
Publicado en Maio | 1 Comentario »
Escrito por barrocas, o 20 Maio 2011 14:01
Como ben saberedes, o día 23 de abril é “O dia do libro”, por isto os nenos e nenas das aulas 2-3 quixemos conmemoralo adicándolle un espazo especial ós nosos contos preferidos.
Uns traballamos o conto de “O coelliño branco”…
outros “Buki e as estrelas”…
e o resto “Carolina e os caracois”:
Este foi o resultado final do noso traballo, ollade!!!
Por outra banda, os nenos e nenas dos Timbais, tamén quixeron rendirlle tributo facendo un libro de imaxes relacionado co conto da escola: “Os músicos de Barrocás”.
Publicado en Maio | Non hai comentarios »
Escrito por barrocas, o 16 Maio 2011 10:32
O día 1 de maio foi o Día da Nai, polo que os nenos e nenas da escola quixeron obsequiar as súas mamás con algo especial feito por eles: algúns fixeron flores, outros fundas para o teléfono móbil e ata botes cheos de cores, ollade!!!
O día da nai
Publicado en Maio | 3 Comentarios »
Escrito por barrocas, o 9 Maio 2011 13:25
Co cambio de estación, os máis pequenos da escola, decidimos rendirlle tributo á tan esperada primavera.
Para elo puxémonos máns a obra e pintamos a copa da árbore de cor verde, cos nosos pés fixemos a herba, decoramos fermosas flores e bolboretas, un vistoso sol con sopa, unhas graciosas abellas con botes de actimel e tamén o animal propio de cada aula: un coello, un can e unha vaca.
Primavera
O resultado final do noso traballo, foi unha colorida e alegre paisaxe primaveral que da luz e vida as nosas paredes!!!
Publicado en Maio | Non hai comentarios »
Escrito por barrocas, o 4 Maio 2011 09:11
Aproveitando que en Ourense está a lucir o sol, os Xilófonos decidimos facer a nosa sesión de psicomotricidade ó aire libre e descubrir novas diversións. Para elo fixemos un tren e dirixímonos a un patio que temos ó carón da escola.
De camiño, descubrimos unha morea de zonas con flores que recollemos para así despois decorar con elas a nosa aula.
Xa no parque tivemos a oportunidade de subir por grandes pendentes, escalar por unha morea de rampas, balancearnos nos columpios e descubrir grandes tesouros escondidos na area que alí atopamos.
Publicado en Maio | Non hai comentarios »
O DÍA DO LIBRO