ESCOLA INFANTIL BARROCÁS

Durante o mes de novembro as aulas das gaitas, pandeiretas e maracas traballamos sobre a temática do magosto.  Para elo experimentamos co froito típico desta tempada, a castaña. Como somos moi curiosos, estivemos manipulando e xogando con elas.

Unha vez que xa tiñamos recoñecido dito froito, qué mellor que plasmar os nosos coñecementos pintándoas para logo facer un mural, algúns fixémolo con ceras e outros con pintura de dedos.

E, como recompensa a este duro traballo, celebramos a festa do Magosto, qué ben o pasamos!!!! Bailamos, cantamos e escoitamos moi atentos a actuación de Mª José, nai de Sara, que se prestou a vir cantar e tocar a pandeireta. Moitas grazas Mª José!!!!

Todos temos dereitos, adultos e nenos. A gran diferenza é que os adultos podemos loitar por eles, esixir que se cumpran, en cambio, os nenos precisan de nós para que os seus dereitos se respeten.

A proposta didáctica deste ano para ese día centrouse na interculturalidade, entendida como unha diversidade positiva e enriquecedora.

O día 20 de Novembro foi o Día dos Dereitos da Infancia, asi que non nos podíamos esquecer de festexar unha data tan importante como esa na nosa escola.

Ainda que pensedes que somos moi pequenos e que non nos percatamos das diferenzas existentes entre nós e outros nenos/as máis desfavorecidos, coa axuda das educadoras plasmamos as nosas máns arredor do mundo para reivindicar que todos, estemos onde estemos, teñamos as mesmas oportunidades ou dereitos.

A aula dos Timbais tamén quixemos participar no mural adicado a este día, así que puxémonos mans a obra (nunca mellor dito), e plasmamos as nosas arredor da bola do mundo.

Para o magosto, a aula dos Timbais, decidimos facer un mural xunto coa aula das Trompetas. O noso traballo consistiu na elaboración dunha fogata: pintamos leña, cortamos trociños de papel seda para simular o lume e, por último, só nos quedaba pintar as castañas e os chourizos.. qué fogata máis chula nos quedou!!!

Non vaiades a pensar que foi o noso único traballo, tamén dedicamos un ratiño a manipular castañas e a probalas. Un pouco duras si que estaban, pero non sabían nada mal…

Para rematar fixemos uns collares de castaña para levar na festa.

O día da festa colgámolos o pescozo e comenzamos a troula!!!!!!

Como ben todos sabedes, os pequenos da escola (0-1 e 1-2 anos) somos moi festeiros e non perdemos troula que se precie, polo que o San Martiño non ía ser menos e festexámolo por todo o alto cun milleiro de actividades e cunha gran festa.

Para darlle a benvida e meternos de cheo neste festexo, que mellor que coñecer o froito típico desta data e, a continuación, poñernos máns a obra e realizar unha réplica da estatua “A Catañeira”. Algúns decidímonos a pintar a súa cesta con chocolate e outros con pintura de dedos ou ceras, a vez que colocamos castañas no seu interior.

Xa chegaba o día da festa e para estar máis guapos do que somos, fixemos unha coroa ben chula con pintura de dedos e ceras de cor marrón.

O gran día xuntámonos as tres aulas, degustamos uns ricos gusanitos e votamos uns bailes coma auténticos especialistas.

Festa

Antes de despedirnos non podemos esquecernos de resaltar os atrevidos e glotóns que son os Xilófonos, xa que sen pensalo dúas veces atrevéronse a probar as castañas e chourizos típicos desta data.  ¡Qué ricos que estaban!

Os cativos/as das aulas dos Axóuxeres, Trompetas e Xilófonos comprobamos que o mes de Outubro e, sobre todo, o outono danos moito xogo para descubrir un milleiro de cousas e para poñer a aula ben bonita con todo o que nos rodea.

Durante os primeiros días descubrimos uns materiais que nos gustaron moito e que as nosas profes explicáronnos que caían das árbores.

MANIPULACIÓN

Canto nos gustou manipular todos estes elementos a algúns e que pouco a outros. O mesmo nos pasou con esta textura (pintura de dedos) coa que pintamos unhas nubes de choiva, as follas e os animais típicos desta data.

PINTURA DE DEDOS

Como nos sentimos tan artistas con esto de pintar, decidimos que xa era hora de traballar polo miúdo, así que confeccionamos unha árbore con serrín e abrigamos un cogumelo con papel.

ÁRBORE E COGUMELO

Non hai mellor forma para traballar o outono que empregar os cinco sentidos. Xa só nos faltaba o do gusto, así que para rematar probamos froitos secos e carnosos como son: noces, mazás, figos,…

O GUSTO

O día 9 de Novembro tivo lugar na escola a primeira xuntanza de preescolar na casa e o tema tratado foron “as rabechas”, pois as familias teñen un papel esencial na educación emocional das crianzas.

Para introducir esta temática, visualizamos o vídeo “Actorazo” e a continuación houbo un debate para chegar a coñecer os diferentes tipos de rabechas así como as respostas axeitadas e consellos.

Pilar contounos o conto “A Galiña Asustada” e a continuación xogamos co paracaídas ó son de “salta, salta unha rá…”.

Tamén aprendemos varias cantigas como “teño unha manciña e fágoa bailar…”, “eu movo a cabeza…”.

Por último, xa que estaba moi preto o magosto, merendamos con castañas.

O venres 30 de Outubro na aula dos Axóuxeres tivo lugar unha festa moi arrepiante xa que se xuntaron nada máis e nada menos que uns poucos morcegos (Axóuxeres) e moitas pantasmas (Trompetas e Xilófonos).

MORCEGOS E PANTASMAS

Pero o noso Samaín non consistíu só nesta festa na que o pasamos moi ben bailando e degustando gusanitos, senón que durante toda a semana traballamos conxuntamente con todas as familias ata facer o noso propio museo do Samaín.

Cada neno/a, coa axuda dos seus, baleirou unha cabaza e sacou fotos durante o proceso. Trouxeron todo a escola e aquí encargámonos de decoralas e, cando estaban todas ben bonitas, pasaron a formar parte do noso museo.

DECORACIÓN DAS CABAZAS

Tivemos tanta participación que case non nos cabían, ¿a qué nos quedou moi ben?

Os nenos e nenas das aulas de 2 a 3 anos, para festexar esta festa, elaboraron unha torta de cabaza e unhas arañas de chocolate.

Despois de moito baile, maquillaxe, disfraces e troula, finalmente degustamos os postres que elaboraramos.

MARACAS-PANDEIRETAS-GAITAS

Lástima que esta festa nos durase tan pouco! Queremos darvos as grazas as familias pola vosa colaboración ó vir recoller os nenos e nenas con tanta celeridade nun momento tan complexo como foi a inundación que sufrimos. Ésta foi a causa de que a aula dos Timbais non puidera festexar a súa festa do Samaín.

Xa que está tan de moda iso das dietas equilibradas e o de facer exercicio para gozar dunha boa saúde, os nenos/as da aula dos xilófonos puxémonos mans a obra.

Despois dunha boa organización das nosas axendas (actividades, patio, descansos…) logramos sacar un ratiño para adicarlle a psicomotricidade, e non vexades como o notamos e o ben que nos presta esa sesión de duro adestramento!!!

Para comezar, nada mellor que unha serie de estiramentos para preparar os nosos pequenos músculos e asi poder continuar coa baixada de rampas, subida de escaleiras, balanceos… uufff qué esgotamento!!!!

Como vedes xa somos uns fantásticos atletas, asi que cando queirades quedamos par ir o ximnasio!!!jejeje.