Escola Infantil de Rairiz de Veiga

Durante este mes, no aula “Os Trasnos” realizamos unha morea de actividades tratando diversos conceptos como: as cores, os elementos de hixiene, as nocións espaciais enriba debaixo, contos, cancións, etc. Algunhas das actividades mais destacadas foron:

· Psicomotricidade grosa: traballamos a nosa psicomotricidade realizando complicados circuítos …

· Enriba - debaixo: traballamos as nocións enriba e debaixo, colocando varios obxectos enriba ou debaixo do moble, as crianzas tiñan que obedecer as consignas dadas, como por exemplo: colle o elefante e pono debaixo do moble,…

· O Recuncho dos elementos de hixiene: durante este mes estivemos a traballar os elementos de aseo, para elo contamos coa colaboración das familias para que cada crianza trouxera un cepillo, unha toalla, un bote de xabón ou champú, etc… así elaboramos este recanto no que o alumnado gozou e coñeceu os diversos utensilios de baño e no que se realizaron unha morea de actividades como: Recoñecemento dos diferentes elementos de aseo; Aprender o seu nome; Asociación do xoguete coa súa imaxe; xogo simbólico …

Como sempre moitas grazas as familias pola súa colaboración.

Durante o mes de abril na aula das meigas traballamos moito, coa chegada da primavera quixemos pintar unhas fermosas bolboretas coma a do conto da eiruga.

Neste mes tamén celebramos a semana da prensa así que puxémonos a ler o periódico e cando nos cansamos pois as noticias eran algo aburridas xogamos con eles, fixemos sombreiros, barquiños..

Despois decidimos que aínda así non nos gustaban nada de nada e resgámolos en anacos pequeniños. Pero como somos moi aproveitados eses anacos servíronnos para pegar dentro da figura dun cadrado.

Aínda que esta primavera chove moito e non hai flores nos decidimos que nos gustaban moito así que quixemos pintar unhas fermosas flores.

Durante o mes de Abril na AULA DAS FADAS levamos a cabo diversas actividades relacionadas co centro de interese de dito mes, que neste caso foi a PRIMAVERA, O DÍA DO LIBRO E A SEMANA DA PRENSA, entre outras… Pois tamén fixemos actividades de motricidade, atención e musicais e comezamos a INTERIORIZAR RUTINAS, como é A HORA DA GALLETA.

A continuación podedes observar como traballaron arreo as pequenas Fadas:

DECORACIÓN DA AULA DE PRIMAVERA

XOGANDO NA AULA

RUTINAS DA AULA

DÍA DO LIBRO: CONTAMOS UN CONTO.

FESTEXAMOS A SEMANA DA PRENSA XOGANDO CON XORNAIS.

No mes de Abril contamos cunha nova incorporación na Aula das Fadas, o seu nome é BRUNO ALONSO COSTA e dentro de moi pouquiño cumprirá xa un aniño. Todos os teu compañeiros/as e as profes danche a benvida á Escola Infantil de Rairiz de Veiga.

O 23 de Abril festexamos o DÍA DO LIBRO na ESCOLA INFANTIL DE RAIRIZ DE VEIGA e fíxemolo a través dun CONTACONTOS. O CONTO… ¿ A QUE SABE A LÚA? foi o elexido pois as crianzas gústalle moito.

Festexamos o Día do LIbro na nosa escola porque consideramos a animación á lectura como unha das estratexias para fomentar a lectura dende cativos.

A través dos contos vivimos momentos de diversión, imaxinación e fantasía que nos axuda a levar a cabo actividades de dinamización e apoio á lectura así como novas aprendizaxes.

Dende a escola sabemos a importancia dos contos nas crianzas e traballamos moito a través deles.

Contamos como convidados moi especiais, o CEIP ANTONIO VÁZQUEZ e o CENTRO DE DÍA ¨ A SOLAINA¨.

Dende aquí AGRADECERLLE A SÚA COLABORACIÓN.

Na escola estivemos a festexar o Día da Prensa. É importante traballar esta temática a través dun obradoiro, pois o tratarse de crianzas tan pequenas é díficil explicarlles este día e por iso o facemos a través do xogo facendoo máis divertido.

Coa axuda dos xornais faremos un gran panel entre todos no que as crianzas pintaraán coa axuda de rodillos e pintura de dedos.

Logo as educadoras dáranlle forma e poremos as noticias máis importantes da escola.

A través desta actividade fomentamos a imaxinación e creatividade e otraballo en grupo así como as distintas destrezas manuais.

Mirai que ben o pasamos e o resultado final despois de tanto traballo.

Experimentamos textura, sabores e olores xogando con xelatina.

As crianzas ven constantemente a luz, as sombras … pero non se paran a pensar que é “iso”, así que por medio do xogo, proxectado a luz da lanterna en distintas superficies, asi como a súa sombra, imos a ver que é o que saben e o que é mais importante: que descobren?.

O obradoiro foi todo un éxito, xa que os nenos e nenas gozaron un montón.