Escola Infantil de Salceda de Caselas

Ola familias:

Xa fai un tempiño que a aula das guitarras non subía nada ó blogue e hoxe queremos comezar dando a benvida  e presentándovos a unha nova amiguiña que se chama Lúa. É moi pequerrechiña, soamente ten catro mesiños e aínda se está adaptando a todos nós.

Agora que xa pasamos o periodo de adaptación,  xa somos máis grandiños e estamos preparados-as para facer outro tipo de actividades a través das cales experimentamos con obxectos de uso cotiá, con diferentes texturas e materiais a través do  noso corpo. Por outra banda tamén poidemos experimentar a sensación do balanceo e das plumas acariciando o noso corpo.

Antes de despedirnos non queremos deixar de darvos as grazas pola vosa colaboración sempre que as nosas profes volo piden.

Ola somos  a AULA DAS GUITARRAS. Damos a benvida ó curso 2011-2012 e, por suposto, a todos/as papis e mamis.

Contarvos que o noso comezo foi fascinante, xa que as nosas mestras axudáronnos, a través de experiencias, a que gozáramos moito neste comezo na escola. A continuación amosámosvos algunhas fotos a través das cales poderedes compartir a nos alegría e, como non, tamén as nosas experiencias.

Antes de despedirnos queremos agradecer os nosos papis e as nosas mamis por colaborar sempre que as profes llo piden. MOITAS GRAZAS.