Escola Infantil de Vigo (O Calvario)

Na aula das Xoaniñas xa son moi maiores. Mario comezou a dar os seus primeiros pasiños, e Antía xa camiña soa. Aquí tedes unha boa mostra delo.

     Durante dúas semanas, na galescola estivemos traballando os medios de transporte. Para iso solicitamos a colaboración das familias e cada nena/o trouxo da casa un xoguete relacionado co tema. Con eles fixemos uns recantos nos que xogaron libremente ao tempo que aprendían a compartir.

      Tanto os parrulos como os golfiños fixeron murais nos que saían distintos medios de transporte, traballaron un montón!

      Como Vigo é unha cidade moi relacionada co mar, adicamos unha xornada a traballar con barcos, mirade como flotan!

      A aula dos golfiños ademais tivo unha sesión de psicomotricidade na que dramatizaron os diferentes medios de transporte: foron coches, barcos, trens,… E xa para rematar, traballaron a educación vial a través dun circuito montado no patio, no que a prioridade foi que interiorizaran o significado do semáforo así coma a importancia de cruzar utilizando os pasos de peóns. Que ben o pasamos!

    Na aula das Xoaniñas traballaron no mes de Maio os instrumentos, pasárono moi ben manipulando e escoitando os distintos sons que producían. Logo elaboraron unha maraca coa que tocar na casa.

   Tamén nos deu tempo a facer un marco para a foto da nosa familia, que bonito!

No mes de maio na aula dos golfiños cumpliron tres anos: Hugo P., Sofía, Livia e Camilo. Para celebralo fixemos unha gran festa e mirade que tartas máis ricas!

Na aula dos Golfiños estiveron aprendendo cousas da nosa cultura, introducíronse no mundo da música con distintas actividades como tocar con cunchas de vieira mentras cantaban, observar as diferentes partes dunha gaita e remataron con un concerto desta. Tamén se animaron a tocar, canto hai que soprar!

   Os Golfiños tamén festexamos o Día da Familia observando a nosa foto familiar na aula. Logo fixémoslle un fermoso marco para levar de agasallo ese día.

   Na aula de Parrulos/as traballamos na primeira quincena de Maio  a Familia amosándolle os nenos/as os distintos tipos de familia que hai no mundo, cantándolle cancións referidas a este tema, xogando cos títeres que a representan e elaborando un agasallo para levar para a casa o Día da Familia.  

    Fixeron unha casiña que decoraron con moita ilusión pois nela colocaríamos a foto da súa  valiosísima familia.

   Na entrada colocamos un mural no que aparecían algúns dos valores que se deben potenciar nesta, mirade como decoramos o mural,que bonito

O pasado mes de Maio Sara, da aula das xoaniñas cumpliu o seu primeiro aniño. Celebramos unha gran festa con todolos/as nenos/as da Escola Infantil, pasámolo xenial.

Moitos parabéns Sara, e que cumplas moitos mais!

En Vigo temos a tradición de facer unha batalla de flores polas principais rúas da cidade na festividade dos maios. Por este motivo, na galescola decidimos facer a nosa particular batalla cas nosas crianzas. Primeiro desmenuzámolas e logo disfrutamos un montón lanzándoas ao aire simulando así a BATALLA DE FLORES!!!

Aqui tedes unha boa mostra do ben que o pasamos!!!

Seguindo coa celebración dos maios a clase dos parrulos e as xoaniñas xuntámonos para experimentar co fiuncho: tocámolo, olémolo e ata houbo algún que se atreveu a  degustalo!!!!!