Escola Infantil de Vigo (O Calvario)

Durante o mes de Xullo adicámonos a facer moitos e diversos obradoiros. Aquí tendes unha mostra deles:

• Obradoiro de cociña: Todas e todos colaboramos para elaborar unha sobremesa moi especial: unha “tarta de galletas”. Estaba riquísima!
• Obradoiro de fariña e colorante alimenticio: As crianzas experimentaron con diferentes estados da fariña: primeiro seca e logo engadímoslle o colorante. Coa masa resultante puideron manipulala, comela, estirala,… Foi a mellor plastilina posible!
• Obradoiro de pintura: Presentámolle diferentes obxectos (pinceis, esponxas,…) e cores para que as crianzas deran renda solta á súa creatividade. Fixeron unhas obras de arte chulísimas!
• Obradoiro de fariña: Cando todas e todos descubriron os montóns de fariña, a súa primeira reacción foi desfacelos e unha vez estivo por todo o chan, comezaron a facer trazos, montóns… é dicir, construíron o seu propio mundo en base aos seus intereses.
• Obradoiro de auga: Sen dúbida o obradoiro estrela do verán é este, xa que nenas e nenos disfrutan moitísimo experimentando coa auga, trasvasando e chapoteando.
• Obradoiro de pasta: Primeira sesión deste obradoiro no que comprobamos que ao principio as crianzas adicábanse a comer a pasta, pero pouco a pouco animáronse a manipulala e descubrir todas as posibilidades que lles ofrece.

E agora, só queda disfrutar coas imaxes! Esperamos que vos gusten!!!

blog-actv-veran

Coa chegada do verán, na Escola Infantil realizamos un apetitoso obradoiro de xelatina!

Presentámoslle ás crianzas diversos sabores de xelatinas, para que elas e eles experimentaran con ela, para que a probasen, a manipulasen e comprobasen todas as posibilidades que lles ofrecía. Primeiro deixamos que exprimentasen libremente e coas mans…

Logo introducimos diferentes utensilios para que continuasen explorando…

Cando remataron a actividade tocaba lavarse, e que mellor forma que todas e todos xuntos na mesa de auga. Disfrutaron un montonazo!!

Esta actividade tivo moito éxito porque as crianzas foron totalmente libres á hora de experimentar. Comprobamos ademais que nenas e nenos que eran reacias/os a tocar a xelatina coas mans, unha vez que se lle presentaban os distintos obxectos, non tiñan reparos en participar. Alegrámonos moito de que disfrutasen tanto!

Logo

Na galescola tivemos unhas visitas moi especiais. A tartaruga Leo e unha parella de parrulos viñeron de visita!

A tartaruga Leo primeiro visitou ás Xoaniñas e aos Parrulos. Tivemos reaccións de todo tipo! A continuación foron á aula dos Golfiños, que disfrutaron moitísimo con ela.

Noutra ocasión, visitaronnos unha parella de parruliños, eran tan bonitos!! As nenas e os nenos da galescola querían collelos, abrazalos, darlles de comer,…

     Conscientes da importancia que ten coidar o medio ambiente, na Escola Infantil decidimos adicar un centro de interese a reciclar.

     Para iso, as crianzas da aula dos Parrulos e dos Golfiños, manipularon diferentes materiales, coñeceron os distintos tipos de colectores e clasificaron os materiais.

     Ademais, a aula dos Golfiños creou un “Punto verde” na entrada da Escola Infantil para poder reciclar coas súas familias. As crianzas ensinaron moi ben ás súas nais e pais:

     Unha das actividades que máis disfrutaron as crianzas, foi o obradoiro de papel. Mirade todas as posibilidades que atoparon…

     Durante dúas semanas, na galescola estivemos traballando os medios de transporte. Para iso solicitamos a colaboración das familias e cada nena/o trouxo da casa un xoguete relacionado co tema. Con eles fixemos uns recantos nos que xogaron libremente ao tempo que aprendían a compartir.

      Tanto os parrulos como os golfiños fixeron murais nos que saían distintos medios de transporte, traballaron un montón!

      Como Vigo é unha cidade moi relacionada co mar, adicamos unha xornada a traballar con barcos, mirade como flotan!

      A aula dos golfiños ademais tivo unha sesión de psicomotricidade na que dramatizaron os diferentes medios de transporte: foron coches, barcos, trens,… E xa para rematar, traballaron a educación vial a través dun circuito montado no patio, no que a prioridade foi que interiorizaran o significado do semáforo así coma a importancia de cruzar utilizando os pasos de peóns. Que ben o pasamos!

No mes de maio na aula dos golfiños cumpliron tres anos: Hugo P., Sofía, Livia e Camilo. Para celebralo fixemos unha gran festa e mirade que tartas máis ricas!

Na aula dos Golfiños estiveron aprendendo cousas da nosa cultura, introducíronse no mundo da música con distintas actividades como tocar con cunchas de vieira mentras cantaban, observar as diferentes partes dunha gaita e remataron con un concerto desta. Tamén se animaron a tocar, canto hai que soprar!

   Os Golfiños tamén festexamos o Día da Familia observando a nosa foto familiar na aula. Logo fixémoslle un fermoso marco para levar de agasallo ese día.

   Para seguir cos diferentes oficios, esta semana convertímonos en panadeiros, un oficio tan importante antes coma agora. Pero nesta ocasión contamos cunha colaboración moi especial. A nai de Alan, da aula das Xoaniñas, traballa nunha panadería e ela e un panadeiro viñeron á galescola a amosarnos que divertido era facer pan e magdalenas.

     Primeiro preparamos a sala de usos múltiples para esta visita tan importante e despois de que se presentaran, comezamos a traballar coa fariña.

     Logo, o panadeiro amosounos como se preparaba a masa e repartiunos un poco de masa a cada un de nós. Cada nena e neno manipulou a masa, descubrindo o importante que era ter moita fariña na mesa e nas mans para que non se nos pegase!!! As crianzas probaron o rica que estaba e despois déronlle forma para metela no forno.

obradoiro-pan

Ademais, a nai de Alan tamén nos trouxo a masa das magdalenas, que estaba boísima!!! Todas e todos colaboramos con ela para facelas e finalmente, todo para o forno.

madalenas  

 Ese día, o pan e o postre estivo máis rico que nunca!!

E só nos queda dicir: MOITÍSIMAS GRAZAS CATHERINE.

     No concello de Vigo, cada 28 de marzo celebran unha festa moi importante chamada “A Reconquista”. Na Escola Infantil quixemos introducir ás crianzas nesa celebración a través dos diferentes oficios que había na época. Por iso, esta semana adicámonos a traballar co barro, coma facían as alfareiras e os alfareiros.