Escola Infantil de Vigo (O Calvario)

Esta semana as Tartarugas manipulamos pasta, tiñamos spaghettis cruos e outros xa cociñados.Descubrimos que algúns estaban frios e pegañentos, outros duros, uns ricos e outros non tanto je je!!

Gustounos moito experimentar con eles e descubrir todas as súas características e posibilidades de xogo.

Na aula das Tartarugas desfrutamos un montón manipulando chocolate, pintamos en papel e no noso propio corpo e tamén, como non, comemos un pouquiño, que rico je je!!

Chegou un novo mes e con el os MAIOS!! Por iso no cole, como cada ano, preparamos a nosa batalla de flores!!

Todas as crianzas colaboraron e trouxeron flores da casa. Logo fomos quitándolle os pétalos: que bonita estaba a cesta con tantas cores!

Para finalizar, lanzamos os pétalos e… que ben o pasamos!

Na aula das Tartarugas xogamos a agocharnos en caixas grandes de cartón, tamén gardamos cousas nelas e pechamolas e abrimolas unha e outra vez, que divertido!!

O pasado venres, as nenas e os nenos da escola saímos a desfilar polo Calvario!

Despois de confeccionar o noso disfrace, puxémonos moi guapas e guapos para a ocasión…

Pola mañá, moi cediño, chegamos ó cole para prepararnos e logo marchamos de paseo pola peonil para que todo o mundo vira que pingüíns tan fermosos chegaran a Vigo.

Pasámolo moi, moi ben e aquí vos deixamos un pequeno recordo deste gran día:

Tamén queremos mandarlle unha gran aperta ás voluntarias tan guapas que nos acompañaron neste gran día!! Moitos biquiños e moitas grazas para todas!!

Atendendo ó Meco, hoxe todas e todos viñemos vestidas/os ó cole de cor vermello!! Mirade que ben estábamos:

E para mañá: O MÉRCORES UN ARCO DA VELLA SEMELLARÁS, E AS TÚAS UNLLAS E O CORPO DE CORES PORÁS!

Un ano máis, na escola dámoslle á benvida ó entroido co noso “Boneco Meco”.

Este pecualiar persoaxe, cada día pensa unha nova falcatruada… e témoslle que facer caso!!

Para hoxe pensou: O luns por ser o primeiro día da semana, viremos todas e todos en pixama! Mirade que guapas e guapos:

E para o martes: As nenas e os nenos de vermello se vestirán, e o amor na escola repartirán!

O pasado día 30 de xaneiro, na escola festexamos o Día da Paz e todas/os xuntas/os cantamos:

“Non queremos guerras neste mundo por favor,

que todo o planeta viva unido no amor.

Brancos, negros, amarelos todas/os nunha cor,

todas/os nunha piña sen pelexas, sen rencor.”

Oxalá que pronto festexemos que non hai ningunha guerra no mundo!

Esta semana festexamos o aniversario da nosa pequena Ingrid, xa ten 1 aniño!! soprou a tarta e luciu a súa fermosa coroa, parabéns !!

Na aula das Tartarugas esta semana manipulamos unhas bolsas que contiñan distintos materiais, iso si todas elas un pouco viscosas. Sentimos unha extraña sensación pois, algunhas estaban frías, outras pesaban,derretíanse…