Escola Infantil de Vigo (O Calvario)

Chegou un novo mes e con el os MAIOS!! Por iso no cole, como cada ano, preparamos a nosa batalla de flores!!

Todas as crianzas colaboraron e trouxeron flores da casa. Logo fomos quitándolle os pétalos: que bonita estaba a cesta con tantas cores!

Para finalizar, lanzamos os pétalos e… que ben o pasamos!

O pasado venres, as nenas e os nenos da escola saímos a desfilar polo Calvario!

Despois de confeccionar o noso disfrace, puxémonos moi guapas e guapos para a ocasión…

Pola mañá, moi cediño, chegamos ó cole para prepararnos e logo marchamos de paseo pola peonil para que todo o mundo vira que pingüíns tan fermosos chegaran a Vigo.

Pasámolo moi, moi ben e aquí vos deixamos un pequeno recordo deste gran día:

Tamén queremos mandarlle unha gran aperta ás voluntarias tan guapas que nos acompañaron neste gran día!! Moitos biquiños e moitas grazas para todas!!

Atendendo ó Meco, hoxe todas e todos viñemos vestidas/os ó cole de cor vermello!! Mirade que ben estábamos:

E para mañá: O MÉRCORES UN ARCO DA VELLA SEMELLARÁS, E AS TÚAS UNLLAS E O CORPO DE CORES PORÁS!

Un ano máis, na escola dámoslle á benvida ó entroido co noso “Boneco Meco”.

Este pecualiar persoaxe, cada día pensa unha nova falcatruada… e témoslle que facer caso!!

Para hoxe pensou: O luns por ser o primeiro día da semana, viremos todas e todos en pixama! Mirade que guapas e guapos:

E para o martes: As nenas e os nenos de vermello se vestirán, e o amor na escola repartirán!

O pasado día 30 de xaneiro, na escola festexamos o Día da Paz e todas/os xuntas/os cantamos:

“Non queremos guerras neste mundo por favor,

que todo o planeta viva unido no amor.

Brancos, negros, amarelos todas/os nunha cor,

todas/os nunha piña sen pelexas, sen rencor.”

Oxalá que pronto festexemos que non hai ningunha guerra no mundo!

Para despedir o ano, na escola decidimos celebrar unha gran festa, por iso vestímonos de gala e  preparámonos para pasalo en grande: tomamos as uvas da sorte, bailamos, cantamos e para rematar… desfrutamos dun riquísimo chocolate con churros!! Que rico estaba!

Todo o equipo quere desexarvos un moi feliz 2012 no que todos os vosos desexos se fagan realidade!

Dentro das actividades programadas para o nadal, un ano máis na escola levamos a cabo un obradoiro de xoguetes con material de refugallo. Os obxectivos principais desta actividade son, por un lado, pasar un bo rato na compaña das familias, e polo outro comprobar que moitos obxectos do cotiá poder convertirse nun gran xoguete para as/os nosas/os pequenas/os.

Para iso, cada aula buscou un xoguete para deseñar coas familias. A aula das tartarugas elexiu un encaixable con botellas con diferentes materias no seu interior; a aula das xirafas un tambor e a aula dos elefantes un tren.

Ó rematar a xornada, cada crianza marchou para a súa casa cos seus novos xoguetes, que tiñan un valor engadido ó facelos coa axuda das súas familias!

A pasada semana, na escola celebramos “O MAGOSTO”. Para iso, recibimos a visita dunha castañeira que nos trouxo castañas asadas e cocidas!! Que ricas estaban!! Para rematar, xogamos, cantamos e bailamos festexando un ano máis o magosto!!

Un ano máis, para festexar ó Samaín por todo o alto, a nosa escola organizou un obradoiro de deseño de cabazas coas familias.

Coma cada curso, as mamás e os papás acudiron ó centro para agasallarnos con sonrisas, coa súa compañía e con estupendas cabazas, cada unha máis orixinal e divertida.

Ó rematar, fixemos unha exposición para que todas e todos as poidésemos admirar!!

Moitas grazas a todas e todos pola vosa colaboración!!

Á atención das familias;

Xa tedes á vosa disposición os menús do mes de novembro.

batedor

enteiro