Escolas infantis
Estás en:
Inicio
Novas
A nova escola infantil de O Pino entrará en funcionamen...
A nova escola infantil de O Pino entrará en funcionamento o vindeiro mes de marzo
Última actualización:
17/01/2012 17:55
A nova escola infantil de O Pino, situada na Parroquia de Santa Eulalia de Arca, abrirá as súas portas o vindeiro mes de marzo. O xerente do Consorcio de Servizos de Igualdade e Benestar, Roberto Rodríguez, acompañado polo alcalde visitou hoxe as obras, que serán recepcionadas a finais desta semana.
Na visita, o xerente do Consorcio explicou que cara á posta en funcionamento deste centro infantil o vindeiro mes de marzo, nas próximas semanas procederase a instalar o mobiliario, que xa foi tamén adxudicado.
Tamén está xa en marcha o procedemento de matrícula. Así, onte se publicaron as listas provisionais de admitidos e, tras un prazo de reclamacións, a matriculación pecharase o 16 de febreiro.
Investimento de 700.000 euros
A nova escola infantil A Galiña Azul de O Pino ofertará un total de 41 prazas para nenos e nenas de entre 0 e 3 anos de idade. O investimento en proxecto, obra e equipamento achegouse aos 700.000 euros.
A construcción desta escola infantil enmarcouse nun convenio asinado en decembro de 2009 entre o Ministerio de Educación e a Comunidade Autónoma de Galicia para o financiamento de prazas públicas do primeiro ciclo de educación infantil.
Máis información:
